پشاور مسجد دھماکہ: خودکش حملہ آور کے دو سہولت کار گرفتار

پشاور مسجد دھماکہ: خودکش حملہ آور کے دو سہولت کار گرفتار
گرفتار ملزمان میں سے ایک کا تعلق افغانستان سے ہے۔

پشاور: 16 مارچ 2023 (ویب ڈیسک) قانون نافذ کرنے والے اداروں نے رواں سال جنوری میں پشاور پولیس لائنز کی مسجد میں خود کو دھماکے سے اڑانے والے خودکش بمبار کے دو مبینہ سہولت کاروں کو گرفتار کر لیا ہے۔

ذرائع نے دعویٰ کیا ہے کہ گرفتار ملزم میں سے ایک کی شناخت ملک سعد کے نام سے ہوئی ہے جس کا تعلق افغانستان کے صوبہ ننگرہار سے ہے۔ جس وقت اسے گرفتار کیا گیا ملزم بیرون ملک فرار ہونے کی کوشش کر رہا تھا۔ اہلکاروں نے اس کا پاسپورٹ اور دیگر دستاویزات قبضے میں لے لیں۔

ذرائع نے مزید بتایا کہ دوسرے مشتبہ شخص کا تعلق ضلع خیبر سے ہے جسے پشاور کے علاقے ہشت نگری سے گرفتار کیا گیا۔

30 جنوری کو ہونے والے خودکش دھماکے میں 90 سے زائد افراد، جن میں اکثریت پولیس اہلکاروں کی تھی، شہید اور 150 سے زائد زخمی ہوئے۔

via: Duniya News