Categories: Latest News

پشاور پولیس لائنزحملے کی منصوبہ بندی افغانستان میں کی گئی : سی ٹی ڈی

پشاور : (دنیا نیوز ) پشاور پولیس لائنز میں ہونے والے خود کش دھماکے سے متعلق اہم پیشرفت ، ایڈیشنل آئی جی سی ٹی ڈی شوکت عباس نے کہا ہے کہ پشاور پولیس لائنز میں خودکش حملے کی منصوبہ بندی افغانستان میں ہوئی ۔

پشاور میں پریس کانفرنس کرتے ہوئے آئی جی سی ٹی ڈی  شوکت عباس نے بتایا کہ پولیس لائنز پر حملے کے ماسٹر مائنڈ اور ہینڈلر کو ٹریس کرلیا ہے۔

انہوں نے بتایا کہ حملہ خودکش تھا یہ بات اب سائنسی تحقیق سے ثابت ہوچکی ہے، تین سو کیمروں کی فوٹیج کا جائزہ لیکر سراغ لگایا گیا ، ٹی ٹی پی جماعت الاحرار نے دھماکہ کیا اور پلاننگ افغانستان میں ہوئی ہے ۔

شوکت عباس نے کہا کہ ایک خودکش حملہ آور گرفتار ہے اگر پہلا ناکام ہوتا تو یہ دوسرا حملہ کیا جاتا ، خودکش حملہ آور کا نام امتیاز عرف تورا شپا ہے اس کا تعلق شوبکڑی سے ہے، امتیاز خان اور خودکش حملہ آور نے افغانستان کے ایک مرکز میں تربیت لی۔

انہوں نے کہا کہ خودکش حملہ آور کے ماسٹر مائنڈ کا نام غفار عرف سلمان ہے جو واقعے کے دن خودکش حملہ آور سے رابطے میں تھا۔

شوکت عباس نے کہا کہ خودکش حملہ آور کا تنظیمی نام قاری ہے اس کے سہولت کار کانام ابھی نہیں بتاسکتے ، ماسٹر مائنڈ اور ہینڈلر کی گرفتاری کے لئے کوششیں کی جارہی ہیں، دھماکے کے  تمام کرداروں کو پکڑا جائے گا۔

واضح رہے کہ جنوری میں پشاور کی پولیس لائنز میں واقع مسجد میں ظہر کی نماز کے دوران خودکش دھماکے کے نتیجے میں پولیس اہلکاروں سمیت 90 سے زائد افراد شہید اور سیکڑوں زخمی ہوئے تھے۔

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

1 day ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

2 days ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

2 days ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

2 days ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

3 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

3 days ago