پشاور: قصہ خوانی بازار میں پارکنگ کے خلاف دکانداروں کا احتجاج

پشاور: قصہ خوانی بازار میں پارکنگ کے خلاف دکانداروں کا احتجاج

 ایڈیٹر ٹی این این : پشاور کے قصہ خوانی بازار میں انتظامیہ کی جانب سے دکانوں کے سامنے پارکنگ کی اجازت دینے کے خلاف دکانداروں نے احتجاج کرتے ہوئے شٹرڈاؤن ہڑتال کر دی۔ دکانداروں کا کہنا تھا کہ دکانوں کے سامنے گاڑیوں کی پارکنگ کی وجہ سے کاروبار بری طرح متاثر ہو رہا ہے، جس سے بازار کی رونقیں بھی ماند پڑ گئی ہیں۔

مظاہرین نے مطالبہ کیا کہ دکانوں کے سامنے پارکنگ ختم کر کے بازار کی رونقیں بحال کی جائیں۔ دکانداروں کا کہنا تھا کہ پارکنگ کی وجہ سے ٹریفک کی روانی میں خلل پڑ رہا ہے اور گاڑیوں کی لمبی قطاریں لگ جاتی ہیں، جس سے نہ صرف خریداری کرنے والے پریشان ہو رہے ہیں بلکہ کاروباری سرگرمیاں بھی متاثر ہو رہی ہیں۔

دکانداروں نے مطالبہ کیا کہ انتظامیہ فوری طور پر اس مسئلے کا حل نکالے تاکہ کاروباری سرگرمیاں دوبارہ معمول پر آ سکیں۔