پشاور صدر، شاپنگ سینٹر میں آتشزدگی، کروڑوں کا سامان جل گیا

پشاور کے علاقے صدر میں قائم شاپنگ سینٹر میں آگ لگنے سے کروڑوں روپے کا مال جل گیا۔

آگ کی اطلاع پر فائر بریگیڈ کی 10 گاڑیاں موقع پر پہنچ کر آگ بجھانے میں مصروف ہوگئیں جبکہ مختلف اضلاع سے بھی ٹیمیں منگوا لی گئی ہیں۔

حکام کا کہنا ہے کہ آگ کی شدت زیادہ ہے، بجھانے میں وقت لگے گا۔

ریسکیو شاپنگ سینٹر میں موبائل فون، یو پی ایس اور دیگر الیکٹرانکس کی دکانیں ہیں، فوری طور پر کسی جانی نقصان کی اطلاع نہیں ملی۔

دوسری جانب فائر بریگیڈ حکام نے شاپنگ سینٹر کے قریب واقع گھروں کو بھی خالی کرالیا ہے۔

via: Daily Jang