پشاور اور گردو نواح میں بجلی کی طویل لوڈ شیڈنگ ، روزمرہ زندگی شدید متاثر

پشاور اور گردو نواح میں بجلی کی طویل لوڈ شیڈنگ ، روزمرہ زندگی شدید متاثر

صوبائی دارالحکومت پشاور اور گردو نواح میں بجلی کی طویل بندش اور غیر اعلانیہ لوڈشیڈنگ نے شہری زندگی کو بری طرح متاثر کر دیا ہے۔
شدید گرمی کے موسم میں بجلی کی مسلسل بندش نے عوام کو مشکلات سے دوچار کر دیا ہے، جبکہ روزمرہ معمولات بری طرح متاثر ہو رہے ہیں۔
شہریوں کے مطابق دن اور رات کے مختلف اوقات میں بجلی کی بار بار بندش سے نہ صرف گھریلو زندگی متاثر ہو رہی ہے بلکہ کاروباری سرگرمیاں بھی مفلوج ہو کر رہ گئی ہیں۔
علاقہ مکینوں کا کہنا ہے کہ گرمی کی شدت کے ساتھ ساتھ بجلی کی عدم دستیابی نے صورتحال کو مزید سنگین بنا دیا ہے، جبکہ پانی کی فراہمی بھی متاثر ہو رہی ہے۔
لوگوں نے متعلقہ حکام سے فوری نوٹس لینے اور لوڈشیڈنگ کے خاتمے کا مطالبہ کیا ہے۔ شہریوں کا کہنا ہے کہ اگر یہی صورتحال برقرار رہی تو احتجاج کا دائرہ وسیع ہو سکتا ہے۔
بجلی کی بندش کے باعث خیبر پختونخوا کے مختلف علاقوں میں معمولات زندگی شدید دبائو کا شکار ہیں اور عوام میں بڑھتا ہوا غصہ واضح طور پر محسوس کیا جا رہا ہے۔

Publisher