Peshawar to be made load-shedding free
پشاور: موسم گرما میں صارفین کو ریلیف فراہم کرنے کیلئے پیسکو نے مزید 5 فیڈرز پر لوڈشیڈنگ مکمل طور پر ختم کر دی ہے۔
لوڈشیڈنگ فری قرار دیے گئے فیڈرز میں پشاور سرکل کے ڈبگری اور مال روڈ فیڈر، مردان کا ٹاؤن فیڈر جبکہ سوات سرکل کے سیدو شریف اور ایکسپریس چکدرہ سٹی فیڈرز شامل ہیں۔
پیسکو حکام کے مطابق گزشتہ تین ماہ کے دوران مجموعی طور پر 18 فیڈرز کو لوڈشیڈنگ فری بنایا جا چکا ہے، جبکہ مزید فیڈرز کو بھی جلد اس فہرست میں شامل کرنے کی منصوبہ بندی جاری ہے۔
پیسکو چیف اختر حمید خان نے کہا کہ وزیراعظم پاکستان اور وفاقی وزیر توانائی کی ہدایات پر بجلی چوری اور نادہندگان کے خلاف بھرپور کارروائیاں کی گئیں، جس کے نتیجے میں لائن لاسز کم ہوئے اور لوڈشیڈنگ کا خاتمہ ممکن بنایا جا سکا۔
انہوں نے بتایا کہ گزشتہ تین ماہ کے دوران 6 ہزار سے زائد غیر قانونی کنکشنز منقطع کیے گئے جبکہ بجلی چوری پر 16 کروڑ روپے سے زائد جرمانے بھی عائد کیے گئے۔
پیسکو چیف کے مطابق چیئرمین پیسکو بورڈ حمایت اللہ خان کی ہدایت پر صارفین کو موسم گرما میں زیادہ سے زیادہ ریلیف دینے کیلئے اقدامات جاری ہیں۔
انہوں نے عوام سے اپیل کی کہ بجلی چوری سے گریز کریں اور بروقت بلوں کی ادائیگی یقینی بنائیں تاکہ بجلی کی بلا تعطل فراہمی ممکن ہو سکے۔
دن میں دھونی کا فین رات میں اسپائیڈر مین، پشاور سے منظم ڈکیت گروہ کا…
خیبرپختونخوا میں آج سے بارشوں کا نیا سلسلہ شروع ہونے کا امکان خیبرپختونخوا کے مختلف…
پشاور بورڈ کا بڑا اعلان، 7سے 10اکتوبر کے ایس ایس سی پرچے ملتوی پشاور:بورڈ آف…
پشاور میں مبینہ اغواء کا ڈرامہ رچانے والا نوجوان بحفاظت بازیاب پشاور: ورسک ڈویژن کے…
پشاور: خیبر ٹیچنگ ہسپتال میں پہلی روبوٹک گھٹنے کی تبدیلی کی سرجری پشاور: خیبر ٹیچنگ…
پشاور میں احتجاج کرنے والے یونیورسٹی طلباء پر سیکیورٹی گارڈز کی فائرنگ طلباء ہاسٹل میں…