خیبرپختونخوا کے ہسپتالوں میں دواﺅں کی شدید قلت، 9ارب کے فنڈز فوری درکار

   پشاور (این این آئی)خیبرپختونخوا ( کے پی) کے ہسپتالوں میں دواوّں کی قلت شدید ہوگئی ہے جسے دور کرنے کیلئے 9 ارب روپے کے فوری فنڈز درکار ہیں۔جاری دستاویز کے مطابقہسپتالوں میں امیونوگلوبولینز، اینٹی ریبیز ویکسین اور ایمرجنسی ادویات کی کمی ہے اور فنڈز نہ ہونے کے باعث ادویات کی خریداری کیلئے تاحال کوئی آرڈر نہیں دیا جا سکا۔دوسری جانب ڈی جی ہیلتھ نے سیکرٹری ہیلتھ کے پی کوہسپتالوں کی مالی مشکلات سے آگاہ کردیا ہے کہ دواو_¿ں کی خریداری کی مد میں 2.67 ارب روپے کے بقایاجات ہیں، بقایاجات اور اضافی 6 ارب روپے جاری کیے جائیں۔جاری دستاویز کے مطابق محکمہ خزانہ نے 23 – 2022 میں 99 کروڑ77 لاکھ روپے کا بجٹ دیا تاہم 99 کروڑ77 لاکھ روپے کے بجٹ سے دواو_¿ں کی قلت ختم نہیں ہو سکتی۔سیکرٹری ہیلتھ خیبرپختونخوا محمود اسلم نے بتایا کہ صوبہ مالی مشکلات کا شکار ہے، فنڈز کی کمی کا سامنا ہے، دواو_¿ں ،طبی آلات کیلئے خیبرپختونخوا حکومت سے پیسے مانگے ہیں، خیبرپختونخوا حکومت نے کہا ہے وفاق سے فنڈز ملتے ہی رقم جاری کر دیں گے۔

via: Daily Pakistan