The mesmerizing view of Iftar on the side of a 7 thousand feet high mountain
العربیا رپوٹ : سعودی عرب میں رمضان المبارک میں افطاری کے روحانیت سے بھرے لمحات کو یاد گار بنا دیا گیا۔ شہریوں کے ایک گروپ نے بلند و بالا فیفاء پہاڑ کے کنارے پر بیٹھ کر افطاری کی۔ اس منظر کی تصاویر انٹرنیٹ پر وائرل ہوئی تو انہوں نے لوگوں کو اپنی گرفت لے لیا۔ اتنی بلندی پر افطاری کا یہ منظر خوبصورتی کے ساتھ ساتھ خوف اور حیرانی کے احساسات پیدا کر رہا ہے۔
جازان میں ٹور گائیڈ بسام الفیفی نے اس منظر کو کیمرے کے لینز میں محفوظ کرکے امر کردیا۔ سوشل میڈیا پر اس تصویر پر بڑا رد عمل دیکھنے میں آیا اور ان تصاویر کی بڑی تعریف کی گئی۔
فوٹو گرافر بسام الفیفی نے بتایا کہ میں فیفا کے علاقے میں سیاحتی دوروں کا اہتمام کرتا ہوں اور جازان کے علاقے میں سیاحتی تجربات کرنے میں مہارت رکھتا ہوں۔ میرے پاس مہمانوں کا ایک گروپ تھا اور میں نے ان خوبصورت لمحات کو ان کے ساتھ شیئر کرنے کی کوشش کی۔ انہوں نے روایتی ملبوسات پہن لیے۔ میں ان سے وعدہ کیا کہ وہ خطے کے مشہور پکوانوں کے درمیان افطاری کا ایک منفرد تجربہ کریں گے۔
بسام نے مزید کہا ہماری کاوش سے یہ تصویر سامنے آئی اور ہر کوئی ان لمحات سے لطف اندوز ہوا۔ سوشل میڈیا پر متحرک افراد نے اس فضائی فوٹو گرافی کے ذریعے اس تجربے کے دوران کھینچے گئے مناظر کی خوبصورتی کو سراہا اور اس فوٹیج کو بڑے پیمانے پر آگے شیئر کیا ہے۔
فیفا کے پہاڑ سعودی عرب کے انتہائی جنوب مغرب میں واقع ہیں۔ فطرت سے محبت کرنے والوں کے لیے یہ پسندیدہ مقام ہے۔ لوگوں کی بڑی تعداد خوبصورت ماحول اور دلکش فطرت سے لطف اندوز ہونے کے لیے اس خطے کا رخ کرتی ہے۔
یہ خطہ جوش و خروش سے بھرپور اور بلند و بالا مقامات سے محبت کرنے والوں کے لیے موزوں ہے۔ یہاں پہاڑوں کا ایک سلسلہ موجود ہے۔ یہ خطہ سطح سمندر سے 7 ہزار فٹ بلند اور آثار قدیمہ کے متعدد مقامات لیے ہوئے ہے۔
فیفا کے پہاڑوں کو ان کی بلندی ، بادلوں کے ساتھ ان کے ملنے اور بادلوں کے اندر سے برسنے والی بارش کو دیکھنے کا موقع فراہم کرنے کے باعث ’’ جرات القمر‘‘ یعنی ’’چاند کے پڑوسی‘‘ کہا جاتا ہے۔ یہ سلسلہ 18 پہاڑوں کو لیے ہوئے ہے اور یہاں جمالیاتی حس کو لطف دینے والے شاندار مظاہر موجود ہیں۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…