Categories: Latest News

کل ملک بھر میں کامیاب ہڑتال ہوگی، حکومت کو گھٹنے ٹیکنے پر مجبور کریں گے، حافظ نعیم الرحمان

کل ملک بھر میں کامیاب ہڑتال ہوگی، حکومت کو گھٹنے ٹیکنے پر مجبور کریں گے، حافظ نعیم الرحمان

لاہور میں ہال روڈ پر ملک گیر شٹرڈاؤن کے حوالے سے احتجاجی کیمپ کے دورہ اور تاجر تنظیموں کے رہنماؤں سے ملاقات کے بعد میڈیا سے گفتگو کرتے ہوئے حافظ نعیم الرحمان نے کہاکہ میں تاجروں سے اپیل کرتا ہوں وہی کام کریں جو ملک و قوم کے حق میں ہے۔ حکمران اپنی مراعات چھوڑنے کو تیار نہیں، ہم ان کی بڑی گاڑیوں، مفت بجلی اور عیاشیوں کے خرچے نہیں اٹھا سکتے۔

انہوں نے کہاکہ عوام آئی پی پیز کو مزید نہیں پالیں گے، صرف شریف خاندان اور ان کے قریبی لوگ آئی پی پیز پر سیکڑوں ارب کی کیپسٹی چارجز لینا بند کردیں تو پورے ملک کی بجلی سستی ہوجائے گی۔

امیر جماعت اسلامی نے کہاکہ تاجر ٹیکس دینے کو تیار اور ٹیکس نیٹ میں اضافہ کے حق میں ہیں لیکن مارکیٹوں کی بنیاد پر ٹیکسوں کا تعین انہیں منظور نہیں، جاگیرداروں پر ٹیکس لگایا جائے، حکمران طبقہ اپنے خرچے کم کرے، آئی پی پیز معاہدے ختم کیے جائیں تو خودبخود تاجروں اور عوام کو ریلیف ملے گا۔

حافظ نعیم الرحمان نے کہاکہ کل کی ہڑتال ایک دن کی کوشش ہے، حکومت کو مجبور کریں گے اور اسے پیچھے ہٹنا پڑے گا، کل ہی تاجروں سے مشاورت کے بعد آئندہ کے لائحہ عمل کا اعلان کیا جائے گا۔

انہوں نے کہاکہ تاجر متحد ہیں، زندہ دلان لاہور کا اتفاق ہے کہ ہڑتال کو کامیاب کرائیں گے، جماعت اسلامی نے عوام کے ریلیف کے لیے دھرنا دیا اور حکومت کو معاہدہ پر مجبور کیا۔

امیر جماعت اسلامی نے کہاکہ ہم نے معیشت میں بہتری کے لیے جامع تجاویز دیں، ایسا دکھائی دے رہا ہے کہ حکمران تجاویز سے ماننے والے نہیں، ریلیف کے لیے جدوجہد کرنا پڑے گی۔

انہوں نے کہاکہ ہم ’حق دو عوام کو‘ تحریک کو ازسرنو منظم کررہے ہیں، قومی سطح پر پرامن مزاحمتی تحریک برپا کر یں گے، کل کی ہڑتال بھی پرامن ہوگی، تاجروں سے مشاورت کے بعد اس بات پر بھی غور کیا جائے گا کہ ہڑتال کے سلسلے کو آگے کیسے لے کر جانا ہے، حکومت کو گھٹنے ٹیکنے پر مجبور کریں گے۔

امیر جماعت نے اس موقع پر بلوچستان میں دہشتگردی واقعات کی پرزور مذمت کرتے ہوئے کہا کہ لسانی بنیادوں پر چن چن کر لوگوں کا قتل اور ملک میں عدم استحکام اور نفرت پیدا کرنے کی کوشش کرنے والے دہشت گرد بلیک واٹر، امریکن سی آئی اے اور ’را‘ کے ایجنڈے پر کام کررہے ہیں، ان کے خلاف بھرپور کارروائی ہونی چاہیے۔

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

6 hours ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

16 hours ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

24 hours ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

1 day ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

2 days ago