پشاور( سپورٹس رپورٹر) ڈائریکٹوریٹ آف سپورٹس خیبر پختونخوا کے زیر انتظام شہید بے نظیر بھٹو وویمن یونیورسٹی پشاور میں انڈور بیڈمنٹن کورٹ کا سنگ بنیاد رکھ دیا گیا، اس موقع پر وائس چانسلر پروفیسر ڈاکٹر رضیہ سلطانہ مہمان خصوصی تھیں۔ بیڈمنٹن کورٹ محکمہ کھیل کے ایک ہزار سہولیات کھیل پراجیکٹ کا حصہ ہے جس میں یونیورسٹی کی طالبات کو کھیلنے اور تربیت کی سہولت میسر آئے گی جبکہ یہاں قومی اور بین الاقوامی سطح کی کھلاڑی بھی تیار کی جائیں گی۔ وائس چانسلر نے خطاب کرتے ہوئے بیڈمنٹن کورٹ کو کھیلوں کے فروغ، طالبات کی کردار سازی اور قیادت کی بنیادی مہارتیں سیکھنے کے لئے سنگ میل قرار دیا اور کہا کہ تعلیم کے ساتھ ساتھ طالبات کو کھیلوں کے مواقع فراہم کئے جارہے ہیں کورٹ کے قیام سے بنیادی سطح پر خواتین اتھلیٹ تیار ہوں گی، طالبات کھیلوں کے شعبے میں اپنے اہداف کے حصول میں کامیاب ہوں گی جبکہ ان کی دیکھا دیکھی دیگر طالبات کی بھی کھیلوں میں دلچسپی بڑھے گی۔ انہوں نے خواتین کھیلوں کے فروغ میں دلچسپی لینے پروزیر اعلیٰ خیبرپختونخوا محمود خان، سیکرٹری کھیل عابد مجید، ایڈیشنل سیکرٹری جنید خان، ڈائریکٹر جنرل سپورٹس اسفندیار خٹک اور پراجیکٹ ڈائریکٹر ایک ہزار سہولیات کھیل مراد علی مہمند کو خراج تحسین پیش کیا۔
via: Saad Bin Awais
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…