پشاور:19اکتوبر2022(پ ر)سکردو میں منعقد ہونے والی سرفرنگا سرد صحرا ریس (سرفرنگا ڈیزرٹ ریس) میں خیبرپختونخوا سے تعلق رکھنے والی ذویہ خان نے تیسری پوزیشن حاصل کرلی۔ خیبرپختونخواکلچراینڈٹورازم اتھارٹی کے تعاون سے فرنٹیئر کلب کی خاتون ممبر ذویہ خان اور دیگر ممبران نے چوتھی سرفرنگا سرد صحرائی ریس میں حصہ لیا تھا۔ملک بھر سے جیپ کے شوقین افراد پر مشتمل اس جیپ ریس کی خواتین کیٹیگری میں پشاور سے تعلق رکھنے والی ذویہ خان نے تیسری پوزیشن حاصل کی۔ ذویہ خان نے 75 کلومیٹر کا ٹریک 1گھنٹہ اور 21 منٹ میں مکمل کرکے ایونٹ میں تیسری پوزیشن حاصل کی۔ ذویہ خان اس سے قبل کالام، ناران سنو کراس ریلی میں شرکت کرچکی ہیں۔ سکردو میں موجود سرفرنگا صحرا دنیا کی واحد سرد صحرا ہے جہاں اس ریس کا انعقاد ہوتا ہے۔ ریس میں کامیابی پر فرنٹیئر کے صدر بابر خان نے انہیں مبارکباد پیش کی اور کہا کہ صوبے میں خواتین کا اس طرح کے ایونٹس میں سامنے آنا اور پوزیشن لینا خوش آئند اقدام ہے۔ خواتین اپنی مہارت سے دنیا میں پاکستان کا نام روشن کرسکتی ہیں۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…