سعودی عرب: مالی فراڈ کا الزام، 11پاکستانیوں کو سزا

ریاض: سعودی عرب میں مالی فراڈ کے الزام میں 11 پاکستانیوں کو قید کی سزا سنا دی گئی۔

غیر ملکی خبر رساں ایجنسی کے مطابق پبلک پراسیکیوشن نے کہا کہ 11 رکنی پاکستانی گروہ نے دھوکے سے بینک صارفین کے اکاؤنٹس سے رقوم نکالیں۔ یہ گروہ شہریوں کو فون اور میسج کر کے تفصیلات مانگتا تھا اور پھر شہریوں کے اکاؤنٹ سے رقوم نکال لیتے تھے۔

پراسیکیوشن کے مطابق مالیاتی فراڈ پر 11 پاکستانیوں کے خلاف تفتیش مکمل کی گئی جس میں انہوں نے جرم کا اقرار کیا۔

سعودی عرب کی عدالت نے جرم ثابت ہونے پر مجرمان پر قید اور ملک سے بے دخلی کی سزا سنائی۔

پراسیکیوشن کے مطابق ہر ایک ملزم کو زیادہ سے زیادہ 7 سال قید کی سزا سنائی گئی ہے اور سزا پوری ہونے کے بعد انہیں ملک بدر کر دیا جائے گا۔

via: Hum News