پشاور میں گداگروں کی تعداد میں اضافہ، کم عمر بھی شامل

ویب ڈیسک ستمبر 7, 2023: مہنگائی اور بدترین معاشی صورتحال کے باعث صوبائی دارلحکومت پشاور میں گدا گروں اور امداد مانگنے والوں کی تعداد میں بے پناہ اضافہ ہو گیا ہے بازاروں ، بس اڈہ جات ، شاہراہوں سمیت دیگرمقامات پر گدا گروں اور امدادمانگنے والوں کی بڑی تعداد میں بچے ، خواتین اور معمر افراد جگہ جگہ نظرآ رہے ہیں۔ شہریوں کے مطابق گدا گر اور امداد کے طلب کار افراد نقدی ،راشن اور دیگرامداد مانگنے کے لئے اب گھروں پرپہنچا شروع ہو گئے ہیں جس کی وجہ سے گھروں میں موجود خواتین ، بزرگ افراد اور بچے بہت پریشان ہوتے ہیں۔ بی آر ٹی ہشتنگری سٹاپ ، بی آر ٹی انڈر پاس گلبہار ، بی آر ٹی فردوس سٹاپ ، پر درجنوں گدا گروں کے قبضے کے باعث مسافروں کو آمد و رفت میں بھی مشکلات کا سامنا کرنا پڑ رہا ہے۔ جبکہ انتظامیہ نے خاموشی اختیارکر لی ہے۔