Categories: Health

خیبرپختونخوا: 9 سال، صرف 62 لائسنس! 19 ہزار ہسپتال بغیر لائسنس چلنے کا انکشاف

خیبرپختونخوا: 9 سال، صرف 62 لائسنس! 19 ہزار ہسپتال بغیر لائسنس چلنے کا انکشاف

 ایڈیٹر ٹی این این : خیبرپختونخوا میں ہیلتھ کیئر کمیشن گزشتہ 9 سال میں صرف 62 طبی مراکز کو لائسنس جاری کر سکا، جبکہ صوبے بھر میں 19 ہزار سے زائد سرکاری و نجی ہسپتال اور کلینکس تاحال بغیر لائسنس کے کام کر رہے ہیں۔

تفصیلات کے مطابق 2015 میں نافذ کئے گئے ہیلتھ کیئر کمیشن ایکٹ کے تحت تمام سرکاری اور نجی ہسپتالوں، کلینکس اور لیبارٹریوں کے لیے لائسنس لازمی قرار دیا گیا تھا، تاہم عملی صورتحال اس کے برعکس ہے۔ اب تک صرف چند سرکاری اور نجی اداروں کو ہی لائسنس جاری ہو سکا ہے۔

ہیلتھ کیئر کمیشن کے طریقہ کار کے مطابق کسی بھی ادارے کو لائسنس کے لیے درخواست دینا، معائنہ کروانا، اور سہولیات کے معیار پر پورا اترنا ضروری ہوتا ہے۔ لائسنس کی سالانہ تجدید بھی لازم ہے، لیکن ان تقاضوں پر عمل درآمد نہ ہونے کے باعث بیشتر ادارے لائسنس کے بغیر ہی سرگرم ہیں۔

کمیشن کی ویب سائٹ پر دی گئی فہرست کے مطابق صرف 62 ادارے جیسے لیڈی ریڈنگ ہسپتال پشاور، ایوب ٹیچنگ ہسپتال ایبٹ آباد، سوات جنرل ہسپتال، اور نارتھ ویسٹ جنرل ہسپتال جیسے بڑے مراکز ہی لائسنس یافتہ ہیں۔

ماہرین صحت کا کہنا ہے کہ کمیشن کی سست رفتاری اور مؤثر مانیٹرنگ کا فقدان عوام کی صحت کے لیے خطرہ بن چکا ہے، اور بغیر لائسنس طبی مراکز کے باعث مریضوں کی زندگیاں داؤ پر لگی ہوئی ہیں۔ شہریوں نے مطالبہ کیا ہے کہ صوبائی حکومت فوری طور پر اقدامات اٹھائے تاکہ تمام طبی اداروں کو لائسنس کے دائرے میں لایا جا سکے۔

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

8 hours ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

18 hours ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

1 day ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

1 day ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

3 days ago