خیبر پختونخوا کرکٹ ٹیم کے کوچ عبدالرزاق نے کوچنگ کو نیا تجربہ قرار دیا

پشاور: پاکستان کرکٹ ٹیم کے سابق آل راؤنڈر اور کے پی کے کرکٹ ٹیم کے کوچ عبدالرزاق نے کوچنگ  کو نیا تجربہ قرار دے دیا ہے۔

ایک انٹرویو میں انہوں نے کہا کہ  کھلاڑی، کوچ یا سلیکٹر ہر صورت میں دباو تو ہوتا ہے اور جب توقعات بڑھ جائیں تو مزید پریشر بڑھ جاتا ہے۔

عبدالرزاق نے کہا کہ نیشنل ٹی ٹوئنٹی ٹورنامنٹ میں شامل تمام کوچز کا مقصد پاکستان کے لیے اچھے کھلاڑی  سامنے لانا ہے۔

ان کا کہنا تھا کہ اب تک میں نے جتنی کرکٹ بھی کھیلی ہے بطور کوچ اس تجربے کو کھلاڑیوں تک منتقل کرنے کی بھر پور کوشش کر رہا ہوں۔

انہوں نے کہا کہ ٹی ٹوئنٹی ٹورنامنٹ میں کسی بھی ٹیم کی حیتنے کی پیشگوئی کرنا ناممکن بات ہے، میچ کے روز جو ٹیم اچھا پرفام کرتی ہے وہ ہی جیت حاصل کرتی ہے۔

یاد رہے کہ گزشتہ روز ملتان میں ہونے والے نیشنل ٹی ٹوئنٹی ٹورنامنٹ میں عبدالرزاق کی ٹیم کے پی کے نے بلوچستان کو شکست دی تھی۔