Categories: Latest News

گرل فرینڈ کو سالگرہ پر آئی فون دینے کیلئے لڑکے نے ماں کے زیورات چوری کرلیے

گرل فرینڈ کو سالگرہ پر آئی فون دینے کیلئے لڑکے نے ماں کے زیورات چوری کرلیے

بھارت میں گرل فرینڈ کو سالگرہ پر آئی فون دینے کیلئے 9 ویں جماعت کے طالبعلم نے اپنی ماں کے سونے کے زیورات چوری کرلیے۔

ویب ڈیسک (جیونیوز): انڈین میڈیا کے مطابق یہ واقعہ گزشتہ دنوں بھارتی دارالحکومت نئی دلی کے علاقے نجف گڑھ میں پیش آیا۔

پولیس کا کہنا ہے کہ 3 اگست کو خاتون کی جانب سے گھر میں چوری کی شکایت درج کروائی گئی جس میں کہا گیا تھا کہ 2 اگست کو صبح 8 سے دوپہر 3 بجے کے درمیان نامعلوم شخص گھر سے سونے کی دو چین، سونے کی بالیاں اور ایک سونے کی انگوٹھی چوری کرکے لے گیا۔ 

پولیس کے مطابق تفتیش کے دوران سی سی ٹی وی فوٹیج میں پتہ چلا کہ کوئی گھر کے اندر آیا نہ باہر گیا۔ 

تاہم پولیس نے پھر تفتیش کا دائرہ گھر کی جانب موڑا تو انہیں پتہ چلا کہ خاتون کا ایک بیٹا غائب ہے۔

اس کے بعد تفتیشی ٹیم نے لڑکے کے بارے میں معلومات اکٹھی کرنا شروع کیں اور اس کے اسکول کے دوستوں سے پوچھ گچھ کی۔

لڑکے کے دوستوں نے پولیس کو بتایا کہ اس کی کلاس میں پڑھنے والی ایک لڑکی کے ساتھ کافی دوستی ہے اور دونوں ایک دوسرے کوپسند کرتے ہیں۔

پولیس کے مطابق ہماری ٹیم کو معلوم ہوا کہ خاتون کے بیٹے نے 50 ہزار روپے کا نیا آئی فون خریدا ہے۔ ٹیم نے لڑکے کی تلاش کے لیے کئی چھاپے مارے لیکن ہر بار وہ موقع سے فرار ہونے میں کامیاب ہو گیا۔ 

پولیس کا کہناہے کہ منگل کو ہمیں ایک اطلاع ملی کہ لڑکا  شام 6 بجے کے قریب اپنے گھر آئے گا۔تاہم جیسے ہی وہ گھر آیا پولیس نے اسے حراست میں لے لیا اور پھر بعد ازاں پولیس نے اس کے قبضے سے ایک آئی فون بھی موبائل برآمد کیا۔

نوجوان نے بتایا کہ وہ کلاس 9 کا طالب علم ہے اور نجف گڑھ کے ایک پرائیویٹ اسکول میں پڑھتا ہے۔ اس کے والد کی بیماری کی وجہ سے موت ہو گئی تھی اور اسے پڑھائی میں کوئی دلچسپی نہیں تھی۔

پولیس کے مطابق تفتیش سے معلوم ہوا کہ لڑکے نے گرل فرینڈ کی سالگرہ پر اسے تحفہ دینے کے لیے اپنی ماں سے پیسے بھی مانگے تھے لیکن محدود وسائل کی وجہ سے ماں نے پیسے دینے انکار کر دیا۔ تاہم اس انکار پر ناراض ہو کر لڑکے نے گھر میں موجود سونے کے زیورات چرائے اور سنار کو بیچے اور آئی فون خریدا۔

پولیس نے ایک سنار کو گرفتار کرکے خاتون کے زیوارات برآمد کرلیے ہیں۔

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

1 day ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

1 day ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

2 days ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

2 days ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

3 days ago