پشاور(کرائم رپورٹر) تھانہ چمکنی کے علاقے میں گھر کے سامنے بیٹھنے سے منع کرنے پر ملزمان نے بھائی کے سامنے بھائی کو قتل کردیا جبکہ فائرنگ کی زد میں آکرراہگیر زخمی ہوگیا جنہیں ہسپتال منتقل کردیا گیا۔ پولیس کو رپورٹ درج کراتے ہوئے مدعی کامران حسین ولد محمد حسین نے بتایا کہ وہ اپنے بھائی 32 سالہ نعمان کے ساتھ لالاکلے کیانی ٹاؤن میں موجود تھااس دوران انہوں نے گھر کے سامنے بیٹھے ملزم شمس ولد محمد انور اوردیگر دو افرادکومنع کیا کہ وہ ہمارے گھر کے سامنے نہ بیٹھے تاہم ملزمان نے ان کے ساتھ لڑائی جھگڑا شروع کردیا اوربعد میں فائرنگ کردی جس سے نعمان شدید زخمی ہوگیا جبکہ وہ بال بال بچ گیا۔ فائرنگ کی زد میں آکر راہگیر صدیق بھی زخمی ہوگیا ۔دونوں زخمیوں کو ہسپتال منتقل کیا جارہا تھا تاہم نعمان جانبر نہ ہوسکا۔ واقعہ کی اطلاع ملنے پر پولیس کی نفری نے پہنچ کر نعش پوسٹمارٹم رپورٹ کیلئے منتقل کردی جبکہ جائے وقوعہ سے شواہد اکٹھی کرکے ملزمان کی گرفتاری کیلئے کارروائی شروع کردی ہے ۔
via: Jang News
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…