Alleged molestation of a 13-year-old child by a youth sitting in Itikaf, a case has been registered
ویب ڈیسک: خیبرپختونخوا میں بچوں کے خلاف جرائم میں تشویشناک اضافے کا انکشاف ہوا ہے۔ پولیس ذرائع کے مطابق رواں سال کے پہلے 7 ماہ کے دوران صوبے کے مختلف اضلاع میں بچوں سے مبینہ زیادتی کے 370 مقدمات رپورٹ ہوئے۔
پولیس ذرائع کے مطابق پشاور سمیت صوبے کے مختلف اضلاع کے تھانوں میں درج مقدمات میں بچوں اور بچیوں کو مبینہ جنسی استحصال کا نشانہ بنایا گیا۔
رپورٹ کے مطابق 370 مقدمات میں مجموعی طور پر 565 ملزمان کو نامزد کیا گیا، جن میں سے 486 ملزمان کو گرفتار کیا جاچکا ہے۔
پولیس ذرائع کا کہنا ہے کہ بچوں سے زیادتی کے 324 مقدمات عدالتوں میں زیر سماعت ہیں، جبکہ تقریباً 80 فیصد مقدمات کے فیصلے تاحال نہیں ہوسکے۔
ذرائع کے مطابق ان مقدمات میں تقریباً 10 ایسے کیسز بھی شامل ہیں جن میں مبینہ زیادتی کے بعد بچوں کو قتل کردیا گیا۔ ان میں سے متعدد مقدمات میں نامزد ملزمان کو گرفتار کیا جاچکا ہے۔
پولیس ذرائع کے مطابق رواں سال کے پہلے 7 ماہ کے دوران خیبرپختونخوا میں مختلف واقعات میں 66 بچوں کے قتل کے واقعات بھی رپورٹ ہوئے ہیں۔ ان مقدمات میں بھی متعدد افراد کو نامزد کرکے گرفتار کیا گیا۔
پولیس ذرائع کے مطابق صوبے کے مختلف اضلاع میں بچوں کے خلاف جنسی زیادتی، قتل اور دیگر جرائم کے واقعات مسلسل سامنے آرہے ہیں، جو بچوں کے تحفظ کے حوالے سے تشویشناک صورتحال کی نشاندہی کرتے ہیں۔
حالیہ عرصے میں ہری پور میں آیت نور کیس سمیت بچوں سے متعلق دیگر واقعات بھی سامنے آئے ہیں، جس کے بعد بچوں کے تحفظ، فوری انصاف اور ایسے جرائم کی روک تھام کے لیے مؤثر اقدامات کی ضرورت مزید بڑھ گئی ہے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…