پشاور سے حج پروازیں مکمل بند کرنے کا فیصلہ

پشاور سے حج پروازیں مکمل بند کرنے کا فیصلہ

ویب ڈیسک: ملک بھر میں حج فلائٹ آپریشن کا آغاز9مئی سے ہوگا اور 9جون تک بغیر کسی تعطل کے جاری رہے گا،وزارت برائے مذہبی امور نے حج آپریشن کے انتظامات کو حتمی شکل دیدی ہے۔
پشاور کے باچا خان انٹرنیشنل ایئرپورٹ سے حج کی تمام پروازیں اسلام آباد منتقل کرنے کا فیصلہ کیا گیا ہے۔ اس سے پہلے بھی پشاور سے حج پروازوں کو کم کیا گیا تھا تاہم اب انہیں مکمل طور پر بند کیا جا رہا ہے۔
یاد رہے کہ پشاور کے انٹرنیشنل ایئرپورٹ پر پہلے بھی فلائٹوں کی تعداد بہت کم ہے اور اندرون ملک بھی اس ائیرپورٹ پر صرف کراچی اور کوئٹہ سے فلائٹس آتی ہیں اور اب حج پروازوں کی منتقلی سے ائیرپورٹ کی آمدن اور اس سے منسلک لوگوں کے مختلف کاروبار شدید متاثر ہونے کا خدشہ ہے۔