Categories: Latest News

حیات آباد میں جنرل ہسپتال کے قیام کا فیصلہ

پشاور: روزنامہ آج : خیبر میڈیکل یونیورسٹی (کے ایم یو)پشاور نے یونیورسٹی کے ماتحت حیات آباد میں جنرل ہسپتال کے قیام کا فیصلہ کر لیا۔

یہ ہسپتال ابتدائی طور پر تین سو بستروں پر مشتمل ہوگا اور یہاں ایمرجنسی، ریڈیالوجی اورپیتھالوجی سمیت تمام شعبوں میں طبی خدمات فراہم کی جائیں گی۔

اس بات کا فیصلہ گذشتہ روز وائس چانسلر پروفیسر ڈاکٹر ضیاء الحق کی سربراہی میں ہونے والے ایچ او ڈیزکے14 ویں اجلاس میں کیا گیا۔

وائس چانسلر پروفیسر ڈاکٹر ضیاء الحق نے اجلاس کو بتایا کہ یونیورسٹی کے تحت بنائے جانے والے جنرل ہسپتال میں تمام جدید طبی سہولیات دستیاب ہونگی۔

انہوں کہا کہ یہ ایک جدید اور ماڈل تدریسی ہسپتال ہوگا جہاں نہ صرف کے ایم یو کے مختلف شعبوں کے ہزاروں طلباء و طالبات کی عملی تربیت کا فریضہ انجام دیاجائے گا بلکہ اس سے صوبے اورپڑوسی برادر ملک افغانستان کے لوگوں کو مختلف شعبوں میں تشخیص اورعلاج معالجے کی سہولیات بھی سبسیڈائزڈ نرخوں پر دستیاب ہونگی۔

انہوں نے وضاحت کی کہ یہ ہسپتال ایک خود مختار پیشہ وارانہ انتظامی بورڈ کے تحت چلایا جائے گا جبکہ اسکی مجموعی نگرانی یونیورسٹی سینڈیکیٹ کرے گا۔

اجلاس میں مجوزہ ہسپتال کا ورکنگ پیپر جلد از جلد بنانے کے لئے ایک اعلیٰ سطحی کمیٹی بھی بنائی گئی جب کہ اس ضمن میں ایچ ای سی سے ضروری منظوری لینے کی ہدایت بھی کی گئی۔

اجلاس میں امتحانی نظام کو مکمل طور پر ڈیجیٹلائزڈ بنانے کے حوالے سے ڈیمانسٹریشن پیش کی گئی اور تما م سطحات کے امتحانات کو ڈیجیٹلائز بنانے کے لیئے جلد از جلد تمام ضروری اقدامات اٹھانے پر اتفاق کیا گیا۔

Recent Posts

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

9 hours ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

1 day ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

1 day ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

2 days ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

2 days ago

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…

2 days ago