peshawar live news-update
پشاور کے تعلیمی ادارے گورنمنٹ کالج میں لاکھوں روپے کی بے ضابطگی اور بدعنوانی کا انکشاف ہوا ہے۔ انکوائری رپورٹ کے مطابق کالج کے پرنسپل اور سپرنٹنڈنٹ کے خلاف کارروائی اور مالی معاملات کا فارنزک آڈٹ کرانے کی سفارش کی گئی ہے۔
رپورٹ میں بتایا گیا کہ کالج کے سولرائزیشن، گیٹ کی تعمیر اور سیکنڈ شفٹ فیس میں سنگین بے ضابطگیاں ثابت ہوئی ہیں۔ ٹینڈر جاری کئے بغیر من پسند افراد کو لاکھوں روپے مالیت کے سولرائزیشن اور گیٹ کی تعمیر کے ٹھیکے دیے گئے، جبکہ ون ونڈو آپریشن کے تحت قائم کیے جانے والے سنٹر کی تعمیر کے لیے بھی ٹینڈر جاری نہیں کیا گیا۔
مزید انکشاف ہوا کہ سیکنڈ شفٹ طلباء کی فیس میں جعلی چیک اور واؤچرز کے ذریعے لاکھوں روپے نکلوائے گئے۔ رپورٹ کے مطابق پرنسپل اور سپرنٹنڈنٹ نے تمام مالی معاملات اپنے کنٹرول میں رکھ کر کمیٹیوں کو معزول کر دیا، جبکہ دستاویزات میں قیمتیں بڑھا چڑھا کر پیش کی گئیں اور کئی کام اور سامان فرضی طور پر ظاہر کیا گیا۔
انکوائری کمیٹی نے معاملے کی مکمل تحقیقات، مالی لین دین کے گہرے جائزے اور فارنزک آڈٹ کی سفارش کی ہے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…