مکّہ مکرمہ میں عزیزیہ بلڈنگ نمبر 145 میں لفٹ گرنے سے 3 حاجی انتقال کر گئے

مکّہ مکرمہ میں عزیزیہ بلڈنگ نمبر 145 میں لفٹ گرنے سے 3 حاجی انتقال کر گئے

حج 2024: مکہ مکرمہ میں لفٹ حادثے میں بہار، ہندوستان کے 2 عازمین جاں بحق
یہ واقعہ مکہ مکرمہ سے تقریباً 10 کلومیٹر دور عزیزیہ کی عمارت نمبر 145 میں جمعرات کو پیش آیا۔ عزیزیہ میں سینکڑوں عمارتیں ہیں جہاں عازمین حج کو رہائش دی جاتی ہے۔

مکہ: مکہ مکرمہ کے پڑوس میں عزیزیہ میں رہائشی عمارت کی ایک لفٹ کچھ تکنیکی خرابیوں کی وجہ سے گرنے سے جمعرات 06 جون 2024 کو ہندوستان کی ریاست بہار سے تعلق رکھنے والے دو عازمین کی موت ہوگئی۔

یہ واقعہ مکہ مکرمہ سے تقریباً 10 کلومیٹر دور عزیزیہ کی عمارت نمبر 145 میں جمعرات کو پیش آیا۔ عزیزیہ میں سینکڑوں عمارتیں ہیں جہاں عازمین حج کو رہائش دی جاتی ہے۔

اپنی جان سے ہاتھ دھونے والے حاجیوں کی شناخت محمد صدیق (74) اور محمد عبدالطیف (64) کے طور پر ہوئی ہے۔

محمد صدیق کاٹھی ہار ضلع کا رہنے والا ہے جبکہ محمد عبداللطیف کا تعلق بہار کے کشن گنج ضلع سے ہے۔

ذرائع نے بتایا کہ ایک یاتری تہھانے میں لفٹ شافٹ سے نیچے گرا اور زخموں کی تاب نہ لاتے ہوئے دم توڑ گیا جبکہ دوسرا لفٹ کے دروازوں کے درمیان ٹکرانے کے بعد کچل کر ہلاک ہو گیا۔

عام طور پر لفٹ کا دروازہ صرف اس وقت کھلتا ہے جب لفٹ کھڑی ہو۔ تاہم لفٹ میں فنی خرابی کے باعث دروازہ کھلا اور یہ المناک حادثہ پیش آیا۔

ہندوستانی حج عازمین کے دفتر نے ایک سوشل میڈیا پوسٹ میں کہا کہ ہندوستانی حج مشن کے اہلکار متعلقہ سعودی حکام کے ساتھ رابطہ کر رہے ہیں، جو اس معاملے کی تحقیقات کر رہے ہیں۔

دفتر نے کہا کہ ’’ہندوستانی عازمین حج کو تمام ضروری مدد فراہم کی جارہی ہے‘‘۔