Khyber Pakhtunkhwa government decides to give relief checks to deserving artists soon
خیبرپختونخوا کے محکمہ ثقافت اور سیاحت نے مستحق فنکاروں کو جلد چیکس دینے کی یقین دہانی کرادی ہے۔
خیبر پختونخوا اور مسلم لیگ ن کے پی کے ثقافتی ونگ کی صدر سعیدہ خان کی قیادت میں فنکاروں اور تنظیم کے وفد نے ڈائریکٹر جنرل کلچر اینڈ ٹورازم خیبر پختونخوا حبیب اللہ عارف سے ان کے دفتر میں ملاقات کی، جس میں صدارتی ایواڈ یافتہ فنکارہ نوشابہ بی بی، نائب صدر ثقافتی ونگ ظاہر شاہ، اداکارہ چاہت نور، حبیب تہکالے، سرور چاچا، نور رحمان، شوکت، سجاد خلیل سمیت دیگر فنکار شامل تھے۔
مسلم لیگ ن ثقافتی ونگ کی صدر سعیدہ خان نے ڈی جی کلچر کو آگاہ کیا کہ 9 ماہ قبل فنکار برادری کیلئے مالی امداد کی درخواستیں جمع کرائی گئی تھیں، تاہم تاحال ان پر عملدرآمد نہ ہو سکا۔
انہوں نے خدشہ ظاہر کیا کہ بجٹ کا وقت قریب ہے اور اگر فنڈز جاری نہ ہوئے تو فنکاروں کیلئے مختص رقم واپس ہو سکتی ہے، حالانکہ فنکار برادری میں ایسے افراد بھی شامل ہیں جو شدید مالی مشکلات کا شکار ہیں اور محنت مزدوری کے قابل بھی نہیں۔
ڈی جی کلچر حبیب اللہ عارف نے وفد کو یقین دہانی کرائی کہ فنکاروں کیلئے مختص فنڈز منظور ہو چکے ہیں اور چیک بھی تیار ہیں، جلد وزیر اعلیٰ خیبر پختونخوا علی امین گنڈاپور خود فنکاروں کو چیک دیں گے۔
انہوں نے کہا کہ فنکاروں کے فنڈز محفوظ ہیں اور بجٹ پر اس کا کوئی اثر نہیں پڑے گا۔ پہلے مرحلے میں 50 فنکاروں کو چیک دیئے جائیں گے، جس کے بعد نشتر ہال میں ایک خصوصی تقریب میں مزید فنکاروں کو مالی امداد فراہم کی جائے گی۔
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…