Categories: Latest News

خیبرپختونخوا: آتشزدگی کے باعث 40 سے زائد گھر جل کر تباہ

خیبرپختونخوا: آتشزدگی کے باعث 40 سے زائد گھر جل کر تباہ

ویب ڈیسک : خیبرپختونخوا کے ضلع دیامر کے نیات گاؤں کے قریب مالڈوکس گاؤں میں خوفناک آگ لگنے کے باعث لکڑی کے 40 سے زیادہ گھر جل کر تباہ ہوگئے۔

جمعے کو لگنے والی آگ کی وجہ تاحال معلوم نہیں ہو سکی، وزیر اعلیٰ گلگت بلتستان حاجی گلبر خان نے واقعے کی تحقیقات کا حکم دے دیا، فوری طور پر کسی انسانی جانی نقصان کی اطلاع بھی نہیں موصول ہوئی تاہم سیکڑوں رہائشی آگ میں اپنا تمام سامان ضائع ہونے کے بعد کھلے آسمان تلے رات گزارنے پر مجبور ہوگئے۔

مقامی حکام کے مطابق آگ دور دراز واقع ایک گاؤں میں لگی، جو دیامر کے ڈسٹرکٹ ہیڈ کوارٹرز چلاس سے تقریباً 20 کلومیٹر کے فاصلے پر واقع ہے، یہ علاقہ الگ تھلگ ہے اور اس میں بجلی، سڑک اور مواصلات تک رسائی نہیں ہے۔

گاؤں میں 100 سے زیادہ گھر موجود ہیں جن میں سے زیادہ تر گھر لکڑی کے بنے ہوئے ہیں ، یہ گھر آگ کی لپیٹ میں آگئے جبکہ مکینوں نے بتایا کہ وہ رات بھر اپنے طور پر آگ بجھانے کی کوشش کرتے رہے۔

گلگت بلتستان حکومت کے ترجمان فیض اللہ فراق نے ڈان کو بتایا کہ وزیراعلیٰ گلبر خان نے آگ لگنے کی وجہ جاننے کے لیے مکمل تحقیقات کا حکم دیا ہے۔

انہوں نے کہا کہ متاثرہ رہائشیوں کو بحالے کے لیےامداد دی جائے گی، وزیر اعلیٰ کی ہدایت پر علاقے میں خیمے اور دیگر ضروری سامان بھیج دیا گیا ہے۔

وزیر اعلیٰ نے نقصان کا جائزہ لینے کے لیے ہفتہ کو جائے وقوعہ کا دورہ بھی کیا، صحافیوں سے گفتگو کرتے ہوئے انہوں نے آتشزدگی کو بڑا واقعہ قرار دیتے ہوئے متاثرہ خاندانوں کے لیے معاوضے کا اعلان کیا۔

via AAJ News

 

Recent Posts

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

1 hour ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

3 hours ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

17 hours ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

2 days ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

2 days ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

2 days ago