Govt Announces New Passport Delivery Times
اسلام آباد: ڈائریکٹوریٹ جنرل امیگریشن اینڈ پاسپورٹس نے شہریوں کو تیار پاسپورٹس کی بروقت فراہمی کے لیے ملک بھر میں پاسپورٹ ڈلیوری کاؤنٹرز ہر ہفتے کو کھلے رکھنے کا فیصلہ کیا ہے۔
حکام کے مطابق یہ سہولت دو ماہ تک جاری رہے گی، جس کے دوران ہر ہفتے ہفتہ کے روز صبح 8 بجے سے شام 4 بجے تک شہری اپنے تیار پاسپورٹس وصول کرسکیں گے۔
ڈائریکٹوریٹ جنرل امیگریشن اینڈ پاسپورٹس نے شہریوں کو ہدایت کی ہے کہ وہ تیار پاسپورٹس بلا تاخیر وصول کریں۔ خاص طور پر وہ افراد جو معمول کے دفتری اوقات میں پاسپورٹ دفاتر نہیں جاسکتے، ہفتہ کے روز فراہم کی جانے والی اس سہولت سے فائدہ اٹھا سکتے ہیں۔
حکام نے درخواست گزاروں کو مقررہ مدت کے اندر پاسپورٹ وصول کرنے کی بھی ہدایت کی ہے۔ سرکاری پالیسی کے تحت 6 ماہ سے زائد عرصے تک وصول نہ کیے جانے والے پاسپورٹس تلف کردیئے جاتے ہیں۔
ہفتہ کے روز ڈلیوری کاؤنٹرز کھلے رکھنے سے شہریوں کو پاسپورٹس وصول کرنے کے لیے اضافی موقع ملے گا اور دستاویزات کی وصولی میں غیر ضروری تاخیر سے بھی بچا جاسکے گا۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…