Categories: Latest News

پشاور بائیکرز کلب کی چوتھی سالگرہ، خیبرپختونخوا بائیکرز ایسوسی ایشن قائم کرنے کا فیصلہ

پشاور بائیکرز کلب کی چوتھی سالگرہ، خیبرپختونخوا بائیکرز ایسوسی ایشن قائم کرنے کا فیصلہ

پشاور، 6 ستمبر 2026: پشاور بائیکرز کلب کی چوتھی سالگرہ کے موقع پر پروقار تقریب کا انعقاد کیا گیا، جس میں خیبرپختونخوا کلچر اینڈ ٹورازم اتھارٹی کے ڈائریکٹر محمد علی سید نے بطور مہمان خصوصی شرکت کی۔ تقریب میں بڑی تعداد میں بائیکرز اور مختلف شعبوں سے تعلق رکھنے والی شخصیات نے شرکت کی۔

تقریب کے دوران خیبرپختونخوا بھر کے بائیکرز کو ایک پلیٹ فارم پر متحد کرنے کے لیے خیبرپختونخوا بائیکرز ایسوسی ایشن کے قیام کا فیصلہ کیا گیا، جبکہ ساجد علی خان کو ایسوسی ایشن کا صدر مقرر کیا گیا۔

پشاور بائیکرز ایسوسی ایشن کے انتخابات میں رفیع خان ایسوسی ایٹ نائب کپتان منتخب ہوئے، جبکہ پشاور بائیکرز کلب کے نئے کپتان کے طور پر قاری حسنین عبدالرحمان کی تقرری عمل میں لائی گئی۔

شرکاء نے پشاور بائیکرز کلب کی چار سالہ سرگرمیوں اور موٹر سائیکلنگ کے فروغ کے لیے کی جانے والی کاوشوں کو سراہا۔ اس موقع پر کلب کی چوتھی سالگرہ کا کیک بھی کاٹا گیا۔

تقریب سے خطاب کرتے ہوئے مہمان خصوصی محمد علی سید نے کہا کہ نشتر ہال پشاور میں صوبائی اور قومی سطح کے بائیکرز کو جلد ایک پلیٹ فارم پر جمع کرکے ایڈونچر ٹورازم کے فروغ کے لیے ایک خصوصی ایونٹ منعقد کیا جائے گا۔ ان کا کہنا تھا کہ اس طرح محفوظ اور ذمہ دارانہ سیاحت کو فروغ دینے میں مدد ملے گی۔

انہوں نے بائیکرز کے لیے لواری ٹاپ، بابوسر ٹاپ اور شندور پاس سمیت مختلف مقامات پر مشتمل ریلی منعقد کرنے کی تجویز بھی دی۔ محمد علی سید نے کہا کہ موٹر سائیکلنگ کے شعبے میں آنے والی خواتین کی حوصلہ افزائی کے لیے جلد خواتین بائیکرز ونگ کے قیام کا اعلان بھی کیا جائے گا۔

تقریب میں ایس پی سٹی ٹریفک پولیس عبدالرحیم خان سمیت دیگر مہمانان گرامی نے بھی شرکت کی۔

اس موقع پر خیبرپختونخوا بائیکرز ایسوسی ایشن کی جانب سے عالمی یوم سیاحت کے موقع پر صوبے میں بڑے پیمانے پر ریلی اور مختلف سرگرمیوں کے انعقاد کا فیصلہ کیا گیا۔

شرکاء کے مطابق 11 ستمبر کو بائیکرز کی ریلی کورمبر جھیل، اپر چترال کے لیے روانہ ہوگی۔ ریلی کا مقصد خیبرپختونخوا کے خوبصورت اور دور افتادہ سیاحتی مقامات کو اجاگر کرنا اور موٹر سائیکل ٹورازم کو فروغ دینا ہے۔

تقریب کے اختتام پر پشاور بائیکرز کلب کے ارکان نے آئندہ سرگرمیوں، بائیکرز کے لیے سہولیات اور صوبے میں موٹر سائیکل ٹورازم کے فروغ سے متعلق مختلف امور پر تبادلہ خیال کیا۔

Recent Posts

حکومت کا پشاور کے عمران خان کرکٹ اسٹیڈیم کا نام تبدیل کرنے کا فیصلہ

حکومت کا پشاور کے عمران خان کرکٹ اسٹیڈیم کا نام تبدیل کرنے کا فیصلہ اسٹیڈیم…

5 hours ago

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

1 day ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

2 days ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

2 days ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

2 days ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

3 days ago