Peshawar: Gas supply restored to CNG stations, domestic consumers in several areas suffer worst load shedding
پشاور: صوبائی دارالحکومت پشاور میں سی این جی اسٹیشنز کو گیس سپلائی کی بحالی کے بعد شہر کے متعدد علاقوں میں گھریلو صارفین شدید گیس لوڈشیڈنگ کے باعث مشکلات کا سامنا کر رہے ہیں۔
متاثرہ علاقوں میں دلہ زاک روڈ، کارپوریشن کالونی، غریب آباد، سپلائی گیٹ روڈ، انصاف ٹاؤن، کچی آبادی، سکندر ٹاؤن، کریم آباد، قریش آباد، نیشنل بینک کالونی، اندرون کوہاٹی گیٹ، بشیر آباد اور دیگر ملحقہ علاقے شامل ہیں، جہاں شہریوں کے مطابق مقررہ شیڈول کے باوجود گیس کی فراہمی نہیں ہو رہی۔
علاقہ مکینوں کا کہنا ہے کہ عیدالاضحیٰ سے اب تک حکومت کی جانب سے جاری کردہ گیس فراہمی کے شیڈول پر عملدرآمد نہیں کیا گیا، جس کے باعث گھریلو صارفین شدید پریشانی سے دوچار ہیں۔
شہریوں نے شکایت کی کہ گیس کی مسلسل بندش کے باعث انہیں کھانا پکانے اور دیگر گھریلو ضروریات کے لیے مہنگی ایل پی جی، لکڑی اور دیگر متبادل ذرائع استعمال کرنا پڑ رہے ہیں، جس سے ان کے اخراجات میں نمایاں اضافہ ہوا ہے۔
متاثرین نے متعلقہ حکام اور سوئی گیس انتظامیہ سے فوری نوٹس لینے اور گیس فراہمی معمول پر لانے کا مطالبہ کیا ہے۔ شہریوں نے خبردار کیا ہے کہ اگر صورتحال میں بہتری نہ آئی تو وہ احتجاج پر مجبور ہوں گے۔
عوامی حلقوں نے مطالبہ کیا ہے کہ گھریلو صارفین کی ضروریات کو ترجیح دی جائے اور گیس لوڈشیڈنگ کے مسئلے کا مستقل حل نکالا جائے تاکہ شہریوں کو مزید مشکلات کا سامنا نہ کرنا پڑے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…