Categories: Latest News

پشاور؛ پی ٹی وی کے کیمرا مین کا قتل، بیٹی اور داماد قاتل نکلے

پشاور – ایکسپریس نیوز: پی ٹی وی کے کیمرا مین کے قتل میں بیٹی اور داماد ہی قاتل نکلے، پولیس نے گرفتار کرلیا۔

پولیس کے مطابق مقتول واجد حسین کو بیٹی اور داماد ہی نے مل کر قتل کیا۔ پی ٹی وی کے مقتول کیمرا مین کا قتل جائیداد کے تنازع کا شاخسانہ ہے۔ دونوں ملزمان کو گرفتار کرلیا گیا ہے۔

ایس پی کینٹ وقاص کی سربراہی میں افسران اور اہل کاروں کی ٹیم نے گلبرگ کی حدود النور اسٹریٹ میں مقتول واجد حسین کے اندھے قتل میں ملوث ملزمان کا سراغ لگا کر 3 دن میں گرفتار کرلیا۔ ملزمان میں مقتول واجد حسین کی اپنی بیٹی مسماۃ (ا) زوجہ محمد جنید اور داماد محمد جنید ولد محمد فیض ملوث نکلے۔

ملزمان نے تین روز قبل النور اسٹریٹ میں واجد حسین کو چھریوں کے پے در پے وار کرکے قتل کردیا تھا، جس کے بعد پولیس نے مقتول کے بیٹے دانش کی مدعیت میں نامعلوم ملزمان کے خلاف مقدمہ درج کرکے مختلف پہلوؤں کو پیش نظر رکھتے ہوئے تفتیش شروع کی تھی۔

پولیس کی تفتیشی ٹیم نے مقتول کے عزیز و اقارب سمیت قریبی رشتے داروں، گھر کے افراد، بیٹی اور داماد کو بھی شامل تفتیش کیا اور مشکوک جانتے ہوئے بیٹی اور داماد کو گرفتار کرلیا، جنہوں نے ابتدائی تفتیش ہی میں جائیداد کے تنازع پر قتل کرنے کا اعتراف کرلیا۔ ملزمان کے قبضے سے آلہ قتل بھی برآمد کرلیا گیا ہے۔ پولیس نے مزید تفتیش شروع کردی ہے۔

Recent Posts

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

8 hours ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

12 hours ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

20 hours ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

22 hours ago

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…

23 hours ago

پشاور میں خواتین کی شکایات پر فوری کارروائی، موقع پر ریلیف اور 4.2 ارب روپے کی جائیدادیں دلوانے کا انکشاف

پشاور میں خواتین کی شکایات پر فوری کارروائی، موقع پر ریلیف اور 4.2 ارب روپے…

1 day ago