پشاور پولیس لائنز مسجد کے خودکش دھماکے میں ملوث مطلوب دہشت گرد گرفتار

پشاور پولیس لائنز مسجد کے خودکش دھماکے میں ملوث مطلوب دہشت گرد گرفتار

مطلوب دہشت گرد کو بڑی مہارت سے گرفتار کیا گیا، پولیس ذرائع

سلمان یوسفزئی (آج نیوز): پشاور میں پولیس لائنز مسجد کے خودکش دھماکے میں ملوث مطلوب دہشت گرد کو گرفتار کرلیا گیا ہے۔

پولیس لائنز کی مسجد میں دھماکا 30 جنوری 2023 کو ہوا تھا جس کے نتیجے میں امام مسجد اور پولیس اہلکاروں سمیت 72 افراد شہید اور 157 زخمی ہوئے تھے۔

پولیس ذرائع کا کہنا ہے کہ مطلوب دہشت گرد کو بڑی مہارت سے گرفتار کیا گیا، جو کہ پولیس اور دیگر اداروں کو انتہائی مطلوب تھا۔

پولیس ذرائع نے بتایا کہ دہشت گرد سے تفتیش شروع کردی ہے اور اس سے اہم انکشافات متوقع ہیں، دہشت گرد نے دیگر حملوں کی بھی ذمہ داری قبول کی ہے۔

خیال رہے کہ پولیس نے اس سے قبل بھی مارچ 2023 میں پولیس لائنز مسجد دھماکے میں ملوث دو افراد کی گرفتاری کا دعویٰ کیا تھا۔