Categories: Latest News

آئندہ مالی سال میں پیٹرولیم مصنوعات مہنگی ہونے کا امکان، کاربن لیوی دگنی کرنے کی تجویز

آئندہ مالی سال میں پیٹرولیم مصنوعات مہنگی ہونے کا امکان، کاربن لیوی دگنی کرنے کی تجویز

اسلام آباد: آئندہ مالی سال 2026-27 کے بجٹ میں عوام کو پیٹرولیم مصنوعات کی قیمتوں میں اضافے کا سامنا کرنا پڑ سکتا ہے، کیونکہ حکومت پیٹرولیم مصنوعات پر عائد کاربن لیوی میں اضافے پر غور کر رہی ہے۔

بجٹ سازی کے عمل سے وابستہ ذرائع کے مطابق حکومت یکم جولائی 2026 سے پیٹرولیم مصنوعات پر کاربن لیوی 2.50 روپے فی لیٹر سے بڑھا کر 5 روپے فی لیٹر کرنے کی منصوبہ بندی کر رہی ہے۔

ذرائع کا کہنا ہے کہ موجودہ مالی سال کے بجٹ میں پہلی مرتبہ پیٹرولیم مصنوعات پر 2.50 روپے فی لیٹر کاربن لیوی عائد کی گئی تھی، جبکہ نئے مالی سال کے بجٹ میں اس شرح کو دگنا کرتے ہوئے 5 روپے فی لیٹر تک بڑھانے کی تجویز زیر غور ہے۔

مجوزہ اضافے کے بعد نئی شرح کا اطلاق نئے مالی سال کے آغاز سے ہوگا، جس سے حکومتی محصولات میں اضافہ متوقع ہے۔ حکام کے مطابق اس اقدام کا مقصد ماحولیاتی تبدیلیوں سے متعلق حکومتی پالیسیوں اور بین الاقوامی وعدوں کی تکمیل میں معاونت بھی ہے۔

ذرائع نے مزید بتایا کہ موجودہ مالی سال کے بجٹ میں ہی کاربن لیوی کو مرحلہ وار 5 روپے فی لیٹر تک بڑھانے کا عندیہ دیا گیا تھا، اور اب حکومت آئندہ مالی سال میں اس کی مکمل شرح نافذ کرنے کی تیاری کر رہی ہے۔

امکان ظاہر کیا جا رہا ہے کہ کاربن لیوی میں اضافے کا باضابطہ اعلان وفاقی بجٹ 2026-27 کے موقع پر کیا جائے گا۔

ماہرین کے مطابق کاربن لیوی میں اضافے سے پیٹرولیم مصنوعات کی قیمتوں پر اثر پڑ سکتا ہے، جس کے نتیجے میں عوامی اور تجارتی ٹرانسپورٹ سمیت مختلف شعبوں کے اخراجات میں اضافہ متوقع ہے۔

Publisher 

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

1 day ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

2 days ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

2 days ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

2 days ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

3 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

3 days ago