Peshawar: Firing in Christian Colony Tehkal, matriculation student killed, friend injured
پشاور: تھانہ تہکال کی حدود کرسچن کالونی میں فائرنگ کے افسوسناک واقعے میں میٹرک کا طالب علم جاں بحق جبکہ اس کا دوست شدید زخمی ہو گیا۔
پولیس کے مطابق موٹر سائیکل سوار مسلح افراد کی فائرنگ کے نتیجے میں نوجوان سلاس گل اور اس کا دوست زخمی ہو گئے جنہیں فوری طور پر ہسپتال منتقل کیا گیا۔ تاہم سلاس گل دورانِ علاج زخموں کی تاب نہ لاتے ہوئے دم توڑ گیا، جبکہ زخمی نوجوان کو طبی امداد فراہم کی جا رہی ہے۔
ایس پی کینٹ عبداللہ احسان کے مطابق واقعے سے قبل ملزمان اور نوجوانوں کے درمیان تلخ کلامی ہوئی تھی۔ ابتدائی تحقیقات میں معلوم ہوا ہے کہ ملزمان نے مبینہ طور پر “وشال” نامی شخص کے بارے میں پوچھ گچھ کی تھی، جس کے بعد تکرار ہوئی اور ملزمان نے دونوں نوجوانوں پر فائرنگ کر دی۔
پولیس کا کہنا ہے کہ واقعے کی وجوہات تاحال سامنے نہیں آ سکیں، تاہم مختلف پہلوؤں سے تحقیقات جاری ہیں۔ عینی شاہدین کے بیانات قلم بند کر لیے گئے ہیں جبکہ ملزمان کی تلاش کے لیے کارروائیاں تیز کر دی گئی ہیں۔
ایس پی کینٹ عبداللہ احسان نے واقعے کی تحقیقات کے لیے خصوصی ٹیم تشکیل دے دی ہے۔ ان کا کہنا ہے کہ علاقے کی سی سی ٹی وی فوٹیجز حاصل کی جا رہی ہیں اور جدید تفتیشی ذرائع کی مدد سے ملزمان کو جلد گرفتار کر لیا جائے گا۔
پولیس کے مطابق واقعے کے بعد علاقے میں سیکیورٹی مزید سخت کر دی گئی ہے جبکہ تفتیشی ٹیم شواہد اکٹھے کرنے میں مصروف ہے۔
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…
خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…
پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…
پشاور میں خواتین کی شکایات پر فوری کارروائی، موقع پر ریلیف اور 4.2 ارب روپے…