The news of market being closed for ten days during Muharram is fabricated, Commissioner Peshawar Division
پشاور۔ 28 جون (اے پی پی):کمشنر پشاور ڈویژن ریاض خان محسود نے کہا ہے کہ محرم الحرام میں دس دن بازار بندش کی خبریں من گھڑت ہیں، حیات آباد بندش کی خبریں بھی من گھڑت ہیں، بازار ماضی کی طرح صرف آخری دو دن اور جلوسوں کے راستوں میں آنے والے بازار جلوس کے وقت بند ہوں گے، عوام کی سہولت کے لیے اندرون شہر پولیس ناکوں پر مقامی پولیس اہلکار تعینات ہوں گے، اندرون شہر کے لوگ شناختی کارڈ دکھا کر اپنے علاقوں میں جاسکیں گے، محرم الحرام کے دوران اہل تشیع سمیت تمام مکاتب فکر کے افراد اپنے جلسے مقررہ وقت پر شروع کرنے اور ختم کرنے کے پابند ہوں گے۔ ان خیالات کا اظہار انہوں نے تاجروں کے اجلاس کی صدارت کرتے ہوئے کیا.
اجلاس میں مئیر پشاور حاجی زبیر علی،ڈپٹی کمشنر پشاور آفاق وزیر، ایس ایس پی آپریشنز کاشف ذوالفقار اور تاجران پشاور کے وفد نے ملک مہر الٰہی، سید ظاہر علی شاہ اور شرافت علی مبارک کی سربراہی میں شرکت کی۔ اجلاس میں قصہ خوانی بازار کی خوبصورتی، صفائی، تجاوزات کے خاتمے اور تاریخی حیثیت کی بحالی کےلئے ڈپٹی کمشنر کی سربراہی میں کمیٹی تشکیل دی گئی۔قصہ خوانی بازار کے تاجر بھی کمیٹی میں شامل ہوں گے۔اس موقع پر تاجروں کی جانب سے محرم الحرام میں انتظامیہ سے بھرپور تعاون کا اعلان کیا گیا۔
ہر پل اپڈیٹس کے لیے ۔ یہاں ہمارا واٹس ایپ گروپ جوائن کرے شکریہ
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…