شاہد آفریدی سے بہت ڈانٹ پڑتی تھی، عمر گل

اسلام آباد: سابق ٹیسٹ کرکٹر عمر گل کا کہنا ہے کہ ملک کے لیے کرکٹ کھیلنے پر بہت خوشی ہے مگر شاہد آفریدی سے بہت دفعہ ڈانٹ پڑی ہے۔

سابق ٹیسٹ کرکٹر عمر گل نے ہم نیوز کے پروگرام صبح سے آگے میں بات کرتے ہوئے کہا کہ میں نے ہمیشہ پاکستان کے لیے کرکٹ کھیلی اورہمیشہ اچھا کھیلنے کی کوشش کرتا رہا اور یہ تو زندگی کا اپنا نظام ہے کہ کوئی آتا ہے کوئی چلا جاتا ہے۔

انہوں نے مزید یہ کہا کہ جب ہم آئے تو سینئرکھلاڑی چلے گئے تھے اور اب جب ہم جا رہے ہیں تو جونیئرکھلاڑی آ رہے ہیں۔ یونس خان کے ساتھ ٹیم میں وقت اچھا گزرا اور شاہد آفریدی سے بہت کچھ سیکھنے کو ملا۔

مزید کہا کہ ڈریسنگ روم ہو یا کرکٹ کا میدان شاہد آفریدی سے بہت ڈانٹ پڑی ہے مگر خوشی ہوئی کہ اپنے ملک کے لیے کھیلا۔