Categories: Latest News

بحرین سے گرفتار مطلوب ملزم پشاور منتقلی کے دوران حملے میں ہلاک، 2 پولیس اہلکار زخمی

بحرین سے گرفتار مطلوب ملزم پشاور منتقلی کے دوران حملے میں ہلاک، 2 پولیس اہلکار زخمی

پشاور: انٹرپول کے ذریعے بحرین سے گرفتار 45 سے زائد مقدمات میں مطلوب ملزم ممتاز عرف ممتازے پشاور منتقلی کے دوران پولیس پارٹی پر فائرنگ اور دستی بم حملے میں ہلاک ہوگیا، جبکہ واقعے میں دو پولیس اہلکار زخمی ہوئے۔

پشاور پولیس کے مطابق واقعہ تھانہ شاہ پور کی حدود میں ناردرن بائی پاس کے قریب پیش آیا، جہاں نامعلوم حملہ آوروں نے ملزم ممتاز کو پشاور منتقل کرنے والی پولیس پارٹی پر فائرنگ کی اور دستی بم پھینکے۔

پولیس نے جوابی کارروائی کی، جس کے نتیجے میں دو مبینہ حملہ آور بھی مارے گئے۔ زخمی پولیس اہلکاروں کو فوری طور پر ہسپتال منتقل کر دیا گیا۔

ایس ایس پی آپریشنز پشاور فرحان کے مطابق ممتاز عرف ممتازے کو بحرین میں انٹرپول کے ذریعے گرفتار کیا گیا تھا اور پیر کو پشاور پولیس کے حوالے کیا گیا۔ ان کے مطابق ملزم پشاور پولیس کو 45 سے زائد مقدمات میں مطلوب تھا، جن میں قتل، اقدام قتل، بھتہ خوری اور دہشت گردی کے مقدمات بھی شامل ہیں۔

پشاور کیپیٹل سٹی پولیس کے مطابق علاقے میں سرچ آپریشن جاری ہے، جبکہ واقعے کے مختلف پہلوؤں سے تحقیقات کی جا رہی ہیں۔

ملزم کی والدہ نے پشاور ہائیکورٹ سے رجوع کیا تھا

ممتاز عرف ممتازے کی گرفتاری اور پاکستان منتقلی سے قبل اس کی والدہ نے پشاور ہائیکورٹ میں درخواست دائر کی تھی۔ درخواست میں خدشہ ظاہر کیا گیا تھا کہ پاکستان منتقل کیے جانے کے بعد ممتاز کو مبینہ طور پر جعلی پولیس مقابلے میں قتل کیا جا سکتا ہے۔

عدالت میں پولیس نے مؤقف اختیار کیا تھا کہ پشاور پولیس نے ممتاز کو گرفتار نہیں کیا اور نہ ہی انٹرپول کو اس کی گرفتاری کے لیے کوئی درخواست بھیجی۔

تاہم درخواست گزار کے وکیل نے عدالت کو بتایا تھا کہ ان کے پاس ایسے شواہد موجود ہیں جن کے مطابق پولیس نے عدالت سے وارنٹ حاصل کرنے کے بعد انٹرپول سے رابطہ کیا تھا۔

عدالت نے اگلی سماعت تک ملزم کے خلاف کسی غیر قانونی یا ماورائے قانون کارروائی سے گریز کی ہدایت کرتے ہوئے پولیس کو مقدمے کا مکمل ریکارڈ عدالت میں پیش کرنے کا حکم دیا تھا۔

Recent Posts

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

13 hours ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

18 hours ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

1 day ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

1 day ago

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…

1 day ago

پشاور میں خواتین کی شکایات پر فوری کارروائی، موقع پر ریلیف اور 4.2 ارب روپے کی جائیدادیں دلوانے کا انکشاف

پشاور میں خواتین کی شکایات پر فوری کارروائی، موقع پر ریلیف اور 4.2 ارب روپے…

1 day ago