Categories: Latest NewsSports

عالمی یوم سیاحت، خیبرپختونخوا کے سیاحتی مقامات پر سیاحوں کی ریکارڈ آمد

صوبہ میں گزشتہ 9 ماہ کے دوران 1کروڑ 12لاکھ سے زائد سیاحوں نے رخ کیا، کوشش ہے کہ سیاحت سے صوبہ کو ملنے والی آمدن میں مزید اضافہ کریں، ڈی جی ٹورازم اتھارٹی برکت اللہ مروت
عالمی یوم سیاحت کے موقع پر پشاور سپورٹس کمپلیکس میں آگاہی واک اور شجرکاری مہم کا انعقاد، اس سال کی عالمی یوم سیاحت کی تھیم ”سیاحت اور سبز سرمایہ کاری“ تھا

پشاور:27ستمبر2023(پ ر)خیبرپختونخوامیں گزشتہ 9 ماہ کے دوران 1کروڑ 12لاکھ سے زائد سیاحوں نے صوبہ کے سیاحتی مقامات کا رخ کیا۔ جس سے سیاحت کے شعبے سے منسلک مختلف سیکٹراور عوام کو فائدہ ملا ہے۔ ہماری کوشش ہے کہ سیاحت سے صوبہ کو ملنے والی آمدن میں مزید اضافہ ہو۔ان خیالات کا اظہار ڈائریکٹر جنرل خیبرپختونخواکلچراینڈٹورازم اتھارٹی برکت اللہ مروت نے سیاحت کے عالمی دن کے موقع پر منعقدہ آگاہی واک کے موقع پر کیا۔ اس موقع پر ان کے ہمراہ پراجیکٹ ڈائریکٹر ضم اضلاع اشتیاق خان، جنرل منیجر کلچر سجاد حمید، منیجر مارکیٹنگ ہمایون خان، منیجر ایونٹ حسینہ شوکت، ڈپٹی منیجر میڈیا و انفارمیشن محمد سعد، ایونٹ کوآرڈینیٹرسید وقاص علی اور دیگر اہم شخصیات موجود تھیں۔ ڈی جی ٹورازم اتھارٹی برکت اللہ مروت نے گفتگو کرتے ہوئے کہاکہ صوبائی حکومت سیاحت کے فروغ اور صوبے کو ایک مشہور سیاحتی مرکز کے طور پر قائم کرنے کے لیے انتھک محنت کر رہی ہے۔ سیاحت کے عالمی دن کا مقصد مقامی اور بین الاقوامی برادری کیساتھ ساتھ نوجوانوں میں سیاحت کی اہمیت اور اس کے سماجی اور اقتصادی اثرات کے بارے میں آگاہی پیدا کرنا ہے۔ سیاحت کا عالمی دن دنیا بھر میں سیاحوں اور سیاحت کی صنعت کی اہمیت کو تسلیم کرتا ہے۔اس سال کی تھیم ”سیاحت اور سبز سرمایہ کاری“ تھا۔ ٹورازم اتھارٹی صوبہ میں سیاحت کو مضبوط بنانے کے لیے مناسب وسائل فراہم کرنے کے لیے تمام ضروری اقدامات کو پورا کرنے کے لیے ایک عظیم وژن رکھا گیا ہے تاکہ صوبہ کے پی کے آنے والے سیاحوں کو بہترین خدمات اور سہولیات فراہم کی جاسکیں۔ڈی جی ٹورازم اتھارٹی نے کہاکہ سیاحتی مقامات پر ملکی اورغیرملکی سیاح کی آمد امسال جنوری2023 سے لیکر26 ستمبر2023تک کثیر تعداد میں سیاح آئے۔ہماری کوشش ہے کہ اس تعداد کو مزید بڑھایا جائے اور انہیں مزید سہولیات بھی فراہم کی جائیں۔منیجر کلچر اینڈ مارکیٹنگ ہمایوں خان نے اس بات پر روشنی ڈالی کہ صوبہ کے پی میں سیاحتی مقامات اور مقامات کی کثرت کے ساتھ ساتھ ایک بھرپور ثقافت اور ورثہ بھی ہے جس سے صوبے کے مثبت امیج کو فروغ دینے اور مقامی لوگوں کے لیے مواقع پیدا کرنے کے لیے پیش کیا جا سکتا ہے۔ ہم ثقافت اور سیاحت کے فروغ کے لیے جدید ترین فنون لطیفہ کی سہولیات بنائیں گے۔

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

1 day ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

1 day ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

2 days ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

2 days ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

3 days ago