محکمہ سیاحت کے زیراہتمام پہاڑوں کے عالمی دن پر آگاہی واک کا انعقاد

پشاور:11دسمبر2020(ہینڈ آؤٹ) محکمہ سیاحت خیبرپختونخوا کے زیراہتمام پہاڑوں کے عالمی دن کے موقع پر مالم جبہ سوات میں آگاہی واک کا انعقاد کیاگیاجس کا موضوع تحفظ حیاتیات ناگزیر تھا۔ آگاہی واک میں ملک بھر سے سیاحوں نے شرکت کی۔تفصیلات کے مطابق 11 دسمبر پہاڑوں کے عالمی دن کی مناسبت سے سیاحوں میں خیبرپختونخوا کے پرفضا سیاحتی مقامات کی اہمیت، وائلڈ لائف، جنگلات، ماحولیاتی آلودگی، اس کا بچاؤ اور آگاہی سے متعلق واک میں کثیر تعداد میں اسلام آباد، لاہور اور دیگر شہروں سے آئے ہوئے سیاحوں، ٹورآپریٹرز اور مقامی افراد نے شرکت کی۔

یہ بھی پڑھیں – ایڈونچر ٹورازم کے فروغ کیلئے منعقدہ سروائیول کیمپ کامیابی سے اختتام پذیر

محکمہ سیاحت خیبرپختونخوا کی بھی کوشش ہے کہ صوبے کے سیاحتی مقامات، ان کا قدرتی حسن اور اس کی حفاظت کو یقینی بنایا جائے جس کیلئے سیاحوں اور مقامی افراد میں آگاہی اس کے فوائد کی اہمیت کو اجاگر کرنا ہے۔ سوات، ملاکنڈ اور ہزارہ ڈویژن کے پرفضا سیاحتی مقامات کا حسن جنگلات و جنگلی حیات سے وابستہ ہے۔ محکمہ سیاحت تمام سیاحتی مقامات پر صفائی کو یقینی بنانے کیلئے متعدد منصوبوں پر کام جاری ہے۔