کینیڈا میں قیامت خیز گرمی سے نظام زندگی مفلوج ہو کر رہ گیا ہے اور شدید گرمی کے باعث اب تک سینکڑوں افراد ہلاک ہو چکے ہیں۔ غیر ملکی میڈیا کے مطابق اچانک اور غیرمعمولی گرمی سے کینیڈا کے صوبے برٹش کولمبیا میں جمعہ سے اب تک مرنے والوں کی تعداد 233 ہو گئی ہے جبکہ حکام نے اموات میں اضافے کا خدشہ ظاہر کیا ہے۔ دوسری طرف ماہرین موسمیات نے مزید کئی روز تک شدید گرمی کی لہر جاری رہنے کی پیش گوئی کی ہے۔
رپورٹس کے مطابق صرف برٹش کولمبیا کے شہر وینکوور میں اچانک ہونے والی 69 اموات رپورٹ ہوئیں۔پولیس کے مطابق ان اچانک اموات کی وجہ قیامت خیز گرمی ہو سکتی ہے جبکہ حبس اور گھٹن سے دم توڑ جانے والے افراد میں زیادہ تر بوڑھے اور بیمار شامل ہیں۔ برٹش کولمبیا کی انتظامیہ نے صوبے میں سکول بند کر دیے ہیں اور شدید گرمی سے گلیشیئر پگھلنے کے باعث سیلاب کی وارننگ جاری کرتے ہوئے لوگوں کو گھروں کے اندر رہنے کی تاکید کی ہے۔
رواں برس کینیڈا کےسرد ترین علاقوں میں گرمی کا 126 سالہ ریکارڈ ٹوٹ گیا ہے اور دکانوں سے ائیرکنڈیشنرز ختم ہو گئے ہیں جبکہ تاریخ میں پہلی بار کینیڈا میں درجہ حرارت 49.5 ڈگری سینٹی گریڈ تک پہنچ گیا ہے۔ درجہ حرارت بڑھنے پر کینیڈا کے مختلف شہروں میں جگہ جگہ کولنگ سنٹرز(ٹھنڈا کرنے کے مراکز) اور مسٹنگ سٹیشنز (پانی کی پھوار ڈالنے کے مراکز) قائم کیے گئے ہیں۔
خیال رہے کہ برٹش کولمیبا میں 28 جون 1895 کو سب سے زیادہ درجہ حرارت 31.3 ڈگری سینٹی گریڈ ریکارڈ کیا گیا تھا۔
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…
خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…
پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…
پشاور میں خواتین کی شکایات پر فوری کارروائی، موقع پر ریلیف اور 4.2 ارب روپے…