A man managed to reach Paris by hiding in the landing gear of a plane
دنیا بھر میں بیشتر افراد بیرون ملک جانے کا خواب دیکھتے ہیں اور اس کے لیے ہر ممکن کوشش بھی کرتے ہیں۔
ایسا ہی ایک واقعہ فرانس میں سامنے آیا جہاں ایک شخص الجزائر سے طیارے کے لینڈنگ گئیر میں چھپ کر ہزاروں میل کا فاصلہ طے کرکے پیرس پہنچا۔
اس سال 28 دسمبر کو پیرس کے ائیر پورٹ سے ائیر الجزائر کی ایک پرواز کے لینڈنگ گئیر میں چھپے شخص کو دریافت کیا گیا جس کی حالت کافی خراب تھی۔
درحقیقت اس کی زندگی کو خطرہ لاحق تھا اور اسے علاج کے لیے قریبی اسپتال منتقل کیا گیا۔
یہ پرواز الجزائر کے شہر اوران سے روانہ ہوئی تھی اور ڈھائی گھنٹے تک فضا میں رہنے کے بعد پیرس پہنچی۔
لینڈنگ گئیر طیارے کے اس حصے میں ہوتا ہے جہاں کارگو اور پہیے موجود ہوتے ہیں اور وہاں کا درجہ حرارت منفی 50 ڈگری سینٹی گریڈ سے منفی 60 سینٹی گریڈ کے درمیان ہوتا ہے۔
اسی طرح وہاں آکسیجن کی مقدار بھی بہت کم ہوتی ہے، اس لیے وہاں پرواز کے دوران کچھ دیر کے لیے رہنا بھی بہت مشکل ہوتا ہے۔
اس سے قبل بھی اس طرح کے واقعات سامنے آتے رہے ہیں۔
سال 2019 میں جنوب مغربی لندن کے اوپر سے پرواز کرتے ہوئے ایک طیارے سے ایک لاش ایک شخص کے گھر کے باغ میں گری تھی۔
اس وقت بھی کہا گیا تھا کہ یہ شخص لینڈنگ گئیر میں چھپ کر سفر کر رہا تھا۔
سال 2015 میں جنوبی افریقا سے لندن کے ائیرپورٹ پہنچنے والی ایک پرواز کے لینڈنگ گئیر سے بھی ایک لاش ملی تھی، جبکہ اس کا ساتھی 10 گھنٹے طویل پرواز میں بچنے میں کامیاب رہا تھا۔
via: Daily AAJ
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…