شارجہ ، پاکستانی خاندان کے گھر میں آگ لگنے سے 2افراد جاں بحق

شارجہ میں ایک پاکستانی خاندان کے گھر میں آگ لگنے سے 2افراد جاں بحق ہوگئے ہیں۔

ویب ڈیسک: حکام نے تصدیق کی ہے کہ آج صبح شارجہ میں ایک اپارٹمنٹ کی عمارت میں آگ لگنے سے ایک پاکستانی شخص اور اس کی 11 سالہ بیٹی دم گھٹنے سے جاں بحق ہو گئے۔

انہوں نے بتایا کہ اس شخص کی بیوی کی حالت تشویشناک ہے اور اسے القاسمی ہسپتال کے آئی سی یو میں داخل کرایا گیا ہے۔

جوڑے کے دو دیگر بچے، ایک نو سال کی لڑکی اور پانچ سال کی عمر کا لڑکا، جنہیں بھی دم گھٹنے کی علامات کے ساتھ ہسپتال لے جایا گیا تھا، اب صحت یاب ہو رہے ہیں۔

شارجہ سول ڈیفنس کے ڈائریکٹر جنرل بریگیڈیئر سامی خامس النقبی نے بتایا کہ یہ اپارٹمنٹ میولیح کے علاقے میں عمارت کی تیسری منزل پر واقع ہے۔انہوں نے کہا کہ عمارت کی تیسری منزل پر واقع اس اپارٹمنٹ میں آگ لگ گئی اور دھواں پوری عمارت میں پھیل گیا۔

بریگیڈیئر النقبی نے بتایا کہ آگ تقریباً 2.08 بجے لگی اور فائر فائٹرز 2.12 بجے جائے وقوعہ پر پہنچے۔فوری طور پر آگ لگنے کی وجہ معلوم نہیں ہوسکی ہے اور فرانزک ٹیم نے تحقیقات کے لیے جائے وقوعہ کو گھیرے میں لے لیا ہے۔

حکام کے فوری ردعمل نے موقع پر پہنچنے کے بعد دو منٹ میں آگ پر قابو پالیا۔پولیس نے علاقے کو گھیرے میں لے کر عمارت کو سیل کر دیا ہے۔ قومی ایمبولینس ٹیم بھی موقع پر موجود تھی۔

شارجہ سوشل سروسز ڈیپارٹمنٹ – چائلڈ اینڈ فیملی پروٹیکشن سینٹر کا ایک نمائندہ بھی دم گھٹنے سے صحت یاب ہونے والے بچوں کی دیکھ بھال کے لیے حرکت میں آیا۔

via Hum News