Online domicile system in Khyber Pakhtunkhwa faces problems
پشاورلائیو: خیبر پختونخوا حکومت نے عوام کی سہولت کے لیے آن لائن ڈومیسائل کا نظام جنوری 2023 میں متعارف کرایا تھا، لیکن یہ سہولت اب عوام کے لیے مشکلات کا سبب بن رہی ہے۔ قانونی طور پر ڈومیسائل کا اجرا 10 دنوں کے اندر ہونا چاہیے، لیکن شہریوں کو اس کے حصول میں مہینوں کا انتظار کرنا پڑ رہا ہے۔
ڈومیسائل برانچ کے جونیئر کلرک احسن علی نے وی نیوز کو بتایا کہ نظام میں موجود خامیاں اور متعلقہ اہلکاروں کی مصروفیات اس تاخیر کی بنیادی وجوہات ہیں۔ عوامی شکایات بڑھتی جا رہی ہیں، لیکن مسائل کا کوئی مؤثر حل نظر نہیں آ رہا۔
رائٹ ٹو پبلک سروس کے ڈسٹرکٹ مانیٹرنگ آفیسر سہیل احمد نے وی نیوز کو بتایا کہ اگر کوئی سرکاری ادارہ نوٹیفائیڈ سروسز فراہم کرنے میں غفلت برتتا ہے، تو عوام رائٹ ٹو پبلک سروس آفس میں شکایت درج کروا سکتے ہیں۔
ڈومیسائل ایک اہم دستاویز ہے، جو تعلیمی اداروں میں داخلے اور ملازمت کے حصول کے لیے ضروری ہے۔ بروقت ڈومیسائل کا اجرا نہ ہونے سے شہریوں کو مشکلات کا سامنا ہے، خاص طور پر طلبہ اور ملازمت کے خواہش مند افراد کو۔
شہریوں نے حکومت سے مطالبہ کیا ہے کہ آن لائن ڈومیسائل کے نظام میں موجود خامیوں کو فوری طور پر دور کیا جائے اور اس عمل کو مؤثر بنایا جائے تاکہ عوام کو مزید مشکلات کا سامنا نہ کرنا پڑے۔
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…
خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…
پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…