ویب ڈیسک: خیبرپختونخوا میں آن لائن ڈومیسائل سروس معطل ہو گیا جس سے طلبہ خوار اور مشکلات کا شکار ہو گئے۔ خیبرپختونخوا بھر میں آن لائن ڈومیسائل سسٹم ای ایس ایم ایس (الیکٹرانک سروس مینجمنٹ سسٹم) گزشتہ روز سے بند پڑا ہے، جس کی وجہ سے صوبے کے تمام اضلاع میں ڈومیسائل کا اجرا رک چکا ہے، جبکہ دفاتر کے باہر روزانہ کی بنیاد پر عوام کی لمبی قطاریں لگی ہوئی ہیں۔
ذرائع کا کہنا ہے کہ ای ایس ایم ایس سرور بیٹھ جانے کے باعث درخواستیں قبول نہیں کی جا رہیں اور اس کے علاوہ جاری کردہ ڈومیسائلز کی تصدیق بھی نہیں ہو پا رہی، سسٹم کی خرابی کی وجہ سے شہریوں کو بار بار دفاتر کے چکر کاٹنے پڑ رہے ہیں، لیکن حکومتی سطح پر تاحال کوئی باقاعدہ اعلان یا متبادل بندوبست سامنے نہیں آیا۔
خیبرپختونخوا میں آن لائن ڈومیسائل سروس معطل ہونے پر متاثرہ طلبہ اور والدین کا کہنا ہے کہ ڈومیسائل کے بغیر داخلے کی درخواستیں جمع نہیں ہو رہیں اور اگر یہ معاملہ مزید کچھ دن جاری رہا تو ہزاروں طلبہ کا قیمتی تعلیمی سال ضائع ہونے کا خدشہ ہے۔
یاد رہے کہ کالجز میں داخلے کے لئے ڈومیسائل کی شرط لازمی ہوتی ہے، اس لئے ڈومیسائل نہ ہونے کی وجہ سے درخواستیں مسترد کی جا رہی ہیں، شہریوں نے الزام لگایا ہے کہ متعلقہ دفاتر میں نہ تو عملہ رہنمائی کر رہا ہے اور نہ ہی کوئی چوکیدار یا اہلکار موجود ہوتا ہے جو سائلین کی بات سنے۔
شہریوں اور طلبہ نے حکومت سے مطالبہ کیا ہے کہ ای ایس ایم ایس سسٹم کی فوری بحالی کے لیے ہنگامی بنیادوں پر اقدامات کیے جائیں اور عارضی طور پر مینوئل نظام متعارف کرایا جائے تاکہ طلبہ کا تعلیمی سال ضائع ہونے سے بچایا جا سکے۔
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…
خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…
پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…