پشاور:03فروری 2021(محمد سعد سے)محکمہ سیاحت خیبرپختونخواکے زیرانتظام خیبرپختونخوا کلچر اینڈ ٹورازم اتھارٹی اور فرنٹیئر 4×4 کلب کے باہمی اشتراک سے یوم یکجہتی کشمیر کے موقع پر صوابی دریائے سندھ ہنڈمیوزیم کے قریب 4×4 انڈس ریور واٹر کراس جیپ ریلی منعقد کی جائے گی جس میں 50 سے زائد مرد و خواتین ماہر 4×4 جیپ ڈرائیورشرکت کرینگے۔ریلی میں لالین اخونزادہ، بی بی عائشہ اور سلمہ خان سمیت مرد ڈرائیور ملک کے مختلف شہروں سے ریلی کا حصہ ہونگے۔ ریلی کے شرکاء کیلئے دریائے سندھ صوابی ہنڈ کے مقام پر دشوارگزار پتھروں اور دریا کی لہروں کو چیرتے ہوئے ٹریک تیار کیا گیا ہے جس میں 4×4جیپوں کے ڈرائیوراپنے فن کا مظاہرہ پیش کرینگے۔ریلی کے موقع پر ریسکیو 1122 کی جانب سے دریائے سندھ صوابی کے مقام پر کشتی پریڈ ، بائیکر، اور ساتھ ساتھ آرچری کھیل بھی سیاحوں کی تفریح کا مرکز ہوگا۔ ریلی کے انعقاد کا مقصد بھارتی افواج کی جانب سے مظلوم کشمیریوں پر جاری مظالم، بربریت اور ان کے ساتھ اظہار یکجہتی کے طور پر منانا ہے۔ریلی میں پنجاب، سندھ، بلوچستان، اسلام آباد، خیبرپختونخوا اور صوبے میں ضم قبائلی اضلاع سے بھی 4×4 کے شوقین افراد اپنی گاڑیوں سمیت شرکت کرکے کشمیریوں سے اظہار یکجہتی کا مظاہرہ کرینگے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…