Categories: Latest News

افغان مریضوں کی آمد بند، پشاور کے نجی و سرکاری ہسپتال سنسان

افغان مریضوں کی آمد بند، پشاور کے نجی و سرکاری ہسپتال سنسان

پشاور: پاک افغان سرحد کی بندش کے ساتویں روز جہاں تجارتی سرگرمیاں جمود کا شکار ہیں، وہیں انسانی بنیادوں پر سب سے زیادہ اثر صحت کے شعبے پر پڑا ہے، افغانستان سے علاج کی غرض سے روزانہ سینکڑوں مریض پشاور آتے تھے لیکن اب افغان مریضوں کی آمد بند ہونے کے باعث نجی اور سرکاری ہسپتالوں کے بیرونی وارڈ سنسان ہوگئے ہیں۔
لیڈی ریڈنگ، خیبر ٹیچنگ ، حیات آباد میڈیکل کمپلیکس اور شہر کے دوسرے نجی و سرکاری ہسپتالوں میں روزانہ ایک ہزار سے زیادہ افغان مریض علاج کیلئے آتے تھے، ان میں سے زیادہ تر کینسر، دل، گردوں اور ہڈیوں کے امراض میں مبتلا ہوتے تھے، تاہم اب بارڈر بند ہونے کے بعد ان افغان مریضوں کی آمد بند ہو چکی ہے۔
ہسپتال انتظامیہ کے مطابق او پی ڈی میں رش کم ہونے سے ماحول تو پرسکون ہے لیکن آمدنی میں واضح کمی آئی ہے، کیونکہ ہسپتالوں کی 30 فیصد او پی ڈی افغان مریضوں پر مشتمل تھی، اب وہ مکمل طور پر غائب ہیں، بعض مریض جلال آباد میں پھنسے ہوئے ہیں اور علاج نہ ہونے کی وجہ سے ان کی حالت بگڑ رہی ہے۔
واضح رہے کہ افغانستان کے صوبہ ننگرہار، کنڑ، لغمان اور کابل سے بڑی تعداد میں مریض علاج کیلئے پشاور آتے تھے کیونکہ پاکستان کے بڑے ہسپتالوں میں علاج سستا اور سہولیات بہتر تھیں لیکن سرحد کی بندش کے باعث اب وہ نہ صرف پشاور نہیں آسکتے بلکہ افغان ہسپتالوں میں ادویات اور ڈاکٹروں کی کمی نے ان کیلئے صورتحال مزید سنگین کر دی ہے۔
دوسری جانب اطلاعات ہیں کہ کابل اور جلال آباد کے ہسپتالوں میں ادویات کی قلت بڑھ گئی ہے، متعدد وارڈز میں مریض زمین پر لیٹے ہیں اور کئی مریض علاج نہ ہونے کے باعث جاں بحق بھی ہو چکے ہیں، افغان شہری پاکستان میں کم پیسوں میں بہتر علاج کروا لیتے تھے، لیکن بارڈر کی بندش سے اب ان کے پاس کوئی راستہ نہیں بچا۔
اس کے علاوہ پشاور کے ہوٹل مالکان، دوائی فروش اور ایمبولینس ڈرائیورز نے بھی سرحد کی بندش پر تشویش کا اظہار کیا ہے کیونکہ افغان مریضوں کی آمد رکنے سے ان کا روزگار بھی متاثر ہوا ہے۔

Publisher 

Recent Posts

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

10 hours ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

17 hours ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

19 hours ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

1 day ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

2 days ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

2 days ago