ANP has threatened to protest against prolonged power outage in Khyber Pakhtunkhwa
عوامی نیشنل پارٹی کے مرکزی صدر ایمل ولی خان اور پارٹی کے خیبرپختونخوا کے صدر میاں افتخار حسین نے وفاقی حکومت کو صوبے میں بجلی کی لوڈشیڈنگ ختم کرنے کے لیے ایک ماہ کی ڈیڈ لائن دیتے ہوئے ایسا نہ ہونے پر اسلام آباد میں دھرنا دینے کی دھمکی دے دی۔
ڈان اخبار کی رپورٹ کے مطابق ان خیالات کا اظہار انہوں نے پیر کو پارٹی رہنما قاسم علی خان محمد زئی کی رہائش گاہ پر میڈیا کے نمائندوں سے گفتگو اور عوامی اجتماع سے خطاب کرتے ہوئے کیا۔
ایمل ولی خان اور افتخار حسین نے مستقبل میں کسی ایسے عظیم اتحاد کا حصہ بننے کا بھی اعلان کیا جو دفاعی اسٹیبلشمنٹ کو اپنی آئینی حدود میں رکھ سکے۔
ان کا الزام ہے کہ اسٹیبلشمنٹ نے گزشتہ عام انتخابات میں انجینئرنگ کرکے اربوں روپے کمائے، ان کا کہنا تھا کہ اے این پی اس وقت تک جدوجہد جاری رکھے گی جب تک فیصلہ سازی کا حق اور اختیار سویلین سیٹ اپ کو واپس نہیں کیا جاتا۔
اس موقع پر اے این پی کے صوبائی جنرل سیکریٹری شاہ حسین، ضلعی صدر و سابق ایم پی اے شکیل بشیر خان عمرزئی، جنرل سیکرٹری شہزاد الدین اور دیگر رہنما بھی موجود تھے۔
اے این پی کے رہنماؤں نے بابرہ کے شہدا کو زبردست خراج عقیدت پیش کرتے ہوئے کہا کہ ان کی قربانیوں کو ہمیشہ یاد رکھا جائے گا۔
انہوں نے کہا کہ سانحہ بابرہ میں 600 کے قریب بے گناہ کارکنان شہید ہوئے جسے تاریخ میں دوسری کربلا کے نام سے یاد رکھا جائے گا۔
ایمل ولی خان اور افتخار حسین نے بتایا کہ فوجی آپریشن خیبرپختونخوا میں دہشت گردی کے مسئلے کا حل نہیں ہے۔
ان کا کہنا تھا کہ وہ باچا خان کے فلسفہ عدم تشدد کے پیروکار ہیں، قوم جانتی ہے کہ دہشت گردوں کی پرورش کس نے کی، انہوں نے الزام لگایا کہ اس بار بھی سیکیورٹی اداروں کو عسکریت پسندی کے خلاف نیا آپریشن شروع کرنے کے لیے امریکا سے کروڑوں ڈالر ملے ہیں۔
ان کا کہنا تھا کہ نام نہاد آپریشنز کے دوران نصف سے زیادہ پختون آباد علاقے متاثر ہوئے ہیں۔
اے این پی کے رہنماؤں نے کہا کہ نیشنل ایکشن پلان کا تقاضا ہے کہ ’اچھے اور برے‘ طالبان کی تفریق کیے بغیر کارروائی کی جائے۔
ان کا کہنا تھا کہ گزشتہ انتخابات میں اے این پی کا مینڈیٹ چوری کیا گیا, ہم اپنے حقوق لینا جانتے ہیں, وقت ثابت کرے گا کہ اے این پی حقیقی معنوں میں عوام کی نمائندگی کرتی ہے۔
انہوں نے مرکز سے کہا کہ ایک ماہ میں لوڈشیڈنگ اور اوور بلنگ کا مسئلہ حل کیا جائے ورنہ اے این پی کے کارکن سڑکوں پر نکل آئیں گے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…