Categories: Latest News

بجلی کی اوور بلنگ کا مسئلہ حل کرنے کے لیے “اپنا میٹر اپنی ریڈنگ” اسکیم کا اعلان

بجلی کی اوور بلنگ کا مسئلہ حل کرنے کے لیے “اپنا میٹر اپنی ریڈنگ” اسکیم کا اعلان

اسلام آباد (ویب ڈیسک) حکومت نے بجلی کی اوور بلنگ کا دیرینہ مسئلہ حل کرنے کے لیے “اپنا میٹر اپنی ریڈنگ” اسکیم متعارف کرانے کا فیصلہ کر لیا ہے۔ اس کا باضابطہ اعلان جلد وزیر اعظم کریں گے۔

قومی اسمبلی کی قائمہ کمیٹی برائے توانائی (پاور) کے اجلاس میں وفاقی وزیر توانائی اویس لغاری نے بتایا کہ صارفین کو میٹر ریڈنگ کے لیے خود اختیار دیا جا رہا ہے۔ اس اسکیم کے تحت صارفین اپنے موبائل فون سے میٹر کی تصویر لے کر مخصوص ایپ پر بھیج سکیں گے، جس سے بلنگ کے عمل میں شفافیت آئے گی اور اوور بلنگ کا مسئلہ حل ہو سکے گا۔

اویس لغاری نے اجلاس میں مزید بتایا کہ

سو یونٹ تک بجلی استعمال کرنے والے صارفین کے لیے 56 فیصد اور

ایک سو ایک سے 200 یونٹ تک استعمال کرنے والوں کے لیے 48 فیصد بجلی سستی کی گئی ہے۔

بجلی سلیبز کی تبدیلی کا فی الحال کوئی ارادہ نہیں۔

انہوں نے بتایا کہ سبسڈی کا ہدف صرف مستحق افراد ہیں، جنہیں بے نظیر انکم سپورٹ پروگرام کے ڈیٹا سے جوڑا جا رہا ہے تاکہ ریلیف درست افراد تک پہنچے۔ اس سلسلے میں ڈیٹا کی درستگی کو بھی ضروری قرار دیا گیا۔

اجلاس کے دوران ارکان اسمبلی نے بجلی لوڈ شیڈنگ، کنڈا سسٹم، اور لائن لاسز پر بھی تحفظات کا اظہار کیا۔ رکن جنید اکبر نے کہا کہ صارفین کو 8 گھنٹے بجلی نہیں ملتی، لیکن تنقید ان پر ہوتی ہے، جبکہ سی ای او پیسکو نے دعویٰ کیا کہ بعض علاقوں میں بہتری آئی ہے اور آئندہ مہینوں میں مزید پیشرفت ہوگی۔

چیئرمین نیپرا نے بتایا کہ آئندہ مالی سال میں بجلی کے نرخ برقرار رہنے کا امکان ہے، جبکہ صنعتی شعبے کو دی جانے والی رعایت کراس سبسڈی ختم کرنے کی پالیسی کا نتیجہ ہے، اور زرعی شعبے کے لیے بھی جامع حکمت عملی تیار کی جا رہی ہے۔

حکومت کی جانب سے اس نئے اقدام کو صارفین کے ساتھ براہ راست روابط، شفافیت، اور بجلی کے شعبے میں اصلاحات کی جانب اہم قدم قرار دیا جا رہا ہے۔

Recent Posts

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

14 hours ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

1 day ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

2 days ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

2 days ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

2 days ago

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…

2 days ago