Khyber Pakhtunkhwa: Mother saved, but young man drowned after entering river for second time
خیبرپختونخوا کے ضلع لوئر دیر تیمرگرہ کے علاقے شینگرئی سے تعلق رکھنے والے ڈرائیور نوید الرحمان کو 15 سالہ بچی کو دریائے پنجکوڑہ میں ڈوبنے سے بچانے کی کوشش کے دوران جان کی بازی ہارنے کے بعد آبائی علاقے میں سپردِ خاک کر دیا گیا، جبکہ بچی کی تلاش تاحال جاری ہے۔
ریسکیو 1122 لوئر دیر کے مطابق تین روز قبل تیمرگرہ کے زُلم پل کے قریب ایک 15 سالہ بچی دریائے پنجکوڑہ میں گر گئی۔ بچی کو بچانے کے لیے اس کی والدہ بھی فوراً دریا میں کود گئیں، تاہم وہ بھی تیز بہاؤ میں پھنس گئیں۔
اسی دوران موقع پر موجود نوید الرحمان نے انسانی ہمدردی کا مظاہرہ کرتے ہوئے دریا میں چھلانگ لگا دی۔ انہوں نے پہلی کوشش میں بچی کی والدہ کو بحفاظت باہر نکال لیا، تاہم دوسری بار بچی کو بچانے کے لیے دریا میں اترنے پر خود تیز بہاؤ کی نذر ہو گئے۔
ریسکیو 1122 کے مطابق امدادی ٹیموں نے مسلسل تین روز تک سرچ آپریشن جاری رکھا، جس کے بعد غرشموزئی بوساق کے مقام سے نوید الرحمان کی لاش برآمد کر لی گئی۔ لاش ضروری کارروائی کے بعد ورثا کے حوالے کی گئی، جہاں انہیں آبائی علاقے میں سپردِ خاک کر دیا گیا۔
ریسکیو حکام کا کہنا ہے کہ 15 سالہ بچی کی تلاش کے لیے سرچ آپریشن تاحال جاری ہے۔
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…
خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…
پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…
پشاور میں خواتین کی شکایات پر فوری کارروائی، موقع پر ریلیف اور 4.2 ارب روپے…