Categories: Latest News

خیبر پختونخوا: موبائل ٹاورز کی بندش پر موبائل کمپنیوں کے حکام کو طلب کیا جائے، اسپیکر صوبائی اسمبلی

خیبر پختونخوا: موبائل ٹاورز کی بندش پر موبائل کمپنیوں کے حکام کو طلب کیا جائے، اسپیکر صوبائی اسمبلی

خیبر پختونخوا اسمبلی میں موبائل ٹاورز کی مسلسل بندش اور کم سگنل کا مسئلہ زیرِ بحث آیا، جس پر اراکینِ اسمبلی نے موبائل کمپنیوں کی کارکردگی پر تنقید کی۔

یہ معاملہ رکنِ صوبائی اسمبلی محمد عثمان نے اسمبلی اجلاس میں اٹھایا۔ انہوں نے بتایا کہ گزشتہ دو برسوں سے ضلع ٹانک بالخصوص گومل سرکل، بیٹنی سرکل اور دیگر دیہی علاقوں میں موبائل ٹاورز بند پڑے ہیں، جس کے باعث مقامی آبادی کو رابطے اور روزمرہ امور میں مشکلات کا سامنا ہے۔ ان کا کہنا تھا کہ اس حوالے سے متعلقہ حکام کو متعدد بار آگاہ کیا گیا، تاہم مسئلہ تاحال حل نہیں ہو سکا۔

ایم پی اے ملک لیاقت نے محمد عثمان کے مؤقف کی تائید کرتے ہوئے کہا کہ صوبے کے دور دراز علاقوں میں یا تو موبائل ٹاورز بند ہیں یا کم سگنل فراہم کیے جا رہے ہیں۔

رکن اسمبلی ارشد ایوب نے ایوان کو بتایا کہ یہ مسئلہ مختلف اضلاع میں موجود ہے۔ ان کے مطابق جن ٹاورز سے موبائل کمپنیاں زیادہ منافع حاصل کر رہی ہیں وہاں سہولیات فراہم کی جا رہی ہیں، تاہم کم منافع والے علاقوں میں بجلی کی لوڈشیڈنگ کے دوران جنریٹر استعمال نہیں کیے جاتے، جس کے باعث بجلی بند ہوتے ہی سگنل ختم ہو جاتے ہیں۔

ایم پی اے انور خان نے کہا کہ اپر دیر میں گزشتہ دو برسوں سے موبائل سگنل کا مسئلہ درپیش ہے۔ ان کے مطابق علاقے کی بڑی تعداد بیرونِ ملک مقیم ہے جو اپنے اہلِ خانہ سے رابطہ نہیں کر پا رہی۔ انہوں نے کہا کہ موبائل کمپنیوں کو ٹاورز کی مسلسل فعالیت یقینی بنانی چاہیے۔

اس موقع پر اسپیکر خیبر پختونخوا اسمبلی بابر سلیم سواتی نے چیف سیکریٹری خیبر پختونخوا کو ہدایت کی کہ موبائل کمپنیوں کے حکام کو طلب کر کے اس معاملے پر اقدامات کیے جائیں۔ بعد ازاں یہ معاملہ متعلقہ اسٹینڈنگ کمیٹی کے سپرد کر دیا گیا۔

Publisher 

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

1 day ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

1 day ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

2 days ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

2 days ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

3 days ago