Categories: Latest News

خیبر ٹیچنگ ہسپتال میں مردوں سے خواتین کا الٹرا ساؤنڈ کرانے کا انکشاف

ٹی این ٹی: پشاور کے خیبر ٹیچنگ ہسپتال میں مردوں سے خواتین کا الٹرا ساؤنڈ اور ایکسرے کرانے کا انکشاف ہوا ہے۔

تھانہ ٹاون کی حدود میں واقع تہکال پلوسی، ریگی، اچینی، پاوکہ اور سفید ڈھیری کے نمائندہ مرستہ نامی تنظیم نے  ایس ایچ او تھانہ ٹاون کے نام لکھے گئے ایک درخواست میں کہا ہے کہ خیبر ٹیچنگ ہسپتال میں ان علاقوں کے خواتین کا الٹرا ساونڈ اور ایکسرے مرد ڈاکٹر کرتے ہیں جو یہاں کے عوام کو بالکل بھی منظور نہیں۔ درخواست میں مزید کہا گیا ہے کہ اس سلسلے میں کئی بار ہسپتال انتظامیہ کیساتھ جرگے بھی ہوئے تاہم انتظامیہ ٹال مٹول سے کام لیتے آرہے ہیں۔

تنظیم نے تھانہ ٹاون پولیس سے فوری اپنا کردار ادا کرنے کی اپیل کی ہے تاکہ امن و امان کا کوئی مسئلہ پیدا نہ ہو۔

ادھر خیبر ٹیچنگ ہسپتال میں مرد ٹیکنیشنز سے خواتین کا الٹراساونڈ اور ایکسرے کرنے کا معاملہ سامنے آنے کے بعد سیکرٹری ہیلتھ خیبر پختونخوا محمود اسلم نے فوری طور پر نوٹس لیتے ہوئے ڈی جی ہیلتھ ڈاکٹر شوکت کو انکوائری کمیٹی بنانے کا حکم دیکر تین دن کے اندر رپورٹ جمع کرکے اصل حقائق سامنے لانے کی ہدایت کی ہے۔ سیکرٹری ہیلتھ کے مطابق خواتین کی عزت پامال کرنے والوں کے خلاف سخت کارروائی کی جائے گی۔

دوسری جانب خیبر ٹیچنگ ہسپتال کی انتظامیہ نے خواتین کا الٹرا ساؤنڈ میل ڈاکٹر سے کرنے والی خبروں کو بے بنیاد قرار دیا ہے۔

ہسپتال انتظامیہ کے مطابق خیبر ٹیچنگ ہسپتال کے ملحقہ علاقہ پلوسی کے رہائشی علاقہ رہنماؤں سمیت ہسپتال آئے تھے اور اپنی شکایت ہسپتال کے شکایت سیل میں جمع کرائی جس کی تحقیقات جاری ہیں۔

ہسپتال انتظامیہ نے ریڈیالوجی ڈیپارٹمنٹ کی چار مہینوں کی ڈیوٹی روسٹر یعنی جولائی، اگست، ستمبر اور اکتوبر جاری کر دی ہے۔ انتظامیہ کے مطابق ڈیوٹی روسٹر میں واضح ہے کہ الٹراساؤنڈ میں صبح شام اور رات کے اوقات میں لیڈی ڈاکٹر کی موجودگی ایمرجنسی اور او پی ڈی میں یقینی بنائی گئی ہے۔

ہسپتال انتظامیہ کے مطابق ٹاؤن پولیس اسٹیشن کو بتایا گیا ہے کہ علاقے کے اصل معززین و رہنماؤں کو دعوت دی جاتی ہے کہ وہ خیبر ٹیچنگ ہسپتال تشریف لا کر ان کے ساتھ ملاقات کریں تاکہ اس مسئلے کو مل بیٹھ کر احسن طریقے سے حل کیا جا سکے۔

Recent Posts

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

10 minutes ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

2 hours ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

17 hours ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

1 day ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

2 days ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

2 days ago