پشاور: افغان کالونی میں معمولی تکرار پر فائرنگ، ایک نوجوان جاں بحق، تین زخمی

پشاور: افغان کالونی میں معمولی تکرار پر فائرنگ، ایک نوجوان جاں بحق، تین زخمی

پشاور (ویب ڈیسک): صوبائی دارالحکومت کے علاقے افغان کالونی میں زبانی تکرار کے بعد فائرنگ کے نتیجے میں ایک نوجوان جاں بحق جبکہ تین افراد زخمی ہو گئے۔

پولیس ذرائع کے مطابق یہ واقعہ فقیر آباد تھانے کی حدود میں پیش آیا، جہاں انڈے لڑانے کے تنازعے پر تلخ کلامی کے بعد فائرنگ ہوئی۔ فائرنگ کے نتیجے میں حمزہ ولد شکیل موقع پر جاں بحق ہو گیا، جبکہ زخمیوں میں مجیب الرحمن ولد حفیظ گل اور تکیہ الرحمن ولد عبدالحافظ شامل ہیں۔

فائرنگ کے بعد ملزمان موقع سے فرار ہو گئے۔ پولیس نے واقعے کا مقدمہ درج کر کے تفتیش کا آغاز کر دیا ہے اور ملوث افراد کی گرفتاری کے لیے چھاپے مارے جا رہے ہیں۔