پشاور: دوران تقریب ترقیاتی منصوبے کی افتتاحی تختی دیوار سمیت گرنے سے پولیس اہلکار زخمی

پشاور: دوران تقریب ترقیاتی منصوبے کی افتتاحی تختی دیوار سمیت گرنے سے پولیس اہلکار زخمی

پشاور کی بڑی شاہراہوں کی اپ گریڈیشن کے منصوبے کے افتتاحی تختی کے لیے حال ہی میں تعمیر کی گئی ایک دیوار گرنے سے ایک پولیس اہلکار زخمی ہو گیا۔ اس موقع پر خیبر پختونخوا کے وزیراعلیٰ سہیل آفریدی بھی تقریب میں موجود تھے۔

حکام کے مطابق اتوار کے روز مذکورہ پولیس اہلکار افتتاحی تقریب کی سیکیورٹی پر مامور تھا جہاں کے پی کے وزیراعلیٰ کو بھی بطور مہمان مدعو کیا گیا تھا۔

ایک پولیس اہلکار نے بتایا کہ یہ واقعہ ہجوم کے دباؤ کی وجہ سے پیش آیا اور زخمی اہلکار کو فوری طور پر اسپتال منتقل کر دیا گیا۔

وزیراعلیٰ نے 200 ارب روپے کے ’پشاور ری وائٹلائزیشن پلان‘ کے تحت سڑکوں کے منصوبوں کی افتتاحی تقریب سے خطاب کرنے کے بعد تقریب گاہ چھوڑ دی۔ انہوں نے پشتخرہ چوک انڈرپاس کی سنگ بنیاد رکھنے کی ایک الگ تقریب میں بھی شرکت کی۔

گزشتہ ماہ صوبائی دارالحکومت کے علاقے نگومان میں چھت گرنے کے ایک واقعے میں ایک خاتون جاں بحق ہو گئی تھی جب خیبر پختونخوا کے کئی علاقوں میں شدید بارش ہوئی تھی۔

اس کے علاوہ جولائی میں پشاور میں شدید بارش اور تیز ہواؤں کے باعث چھتوں اور دیواروں کے گرنے کے واقعات میں کم از کم 8 افراد زخمی ہوئے تھے۔

Publisher